मजबूत सामाजिक संगठन अऊ एकता ले समाज हित के बड़े-बड़े काम हो जाथे आसान - बृजमोहन अग्रवाल

कृषि मंत्री हर करिस गुजराती लुहार समाज के भवन के लोकार्पण





रायपुर, 30 अप्रैल 2017। कृषि मंत्री श्री बृजमोहन अग्रवाल हर कहिन कि मजबूत सामाजिक संगठन अऊ एकता ले समाज हित के बड़े ले बड़े काम जनसहयोग ले आसानी ले हो जाथे। अइसन काम मन मं समाज सेवा के भावना जुड़े होथे। श्री अग्रवाल हर आज इहां भनपुरी के गोंदवारा मं समस्त गुजराती लुहार समाज के सामाजिक भवन के लोकार्पण समारोह मं ए आशय के विचार व्यक्त करिन। स्वर्गीय श्री वेलूबेन मिट्ठूभाई पठारिया के स्मृति मं ये वाले भवन अंदाजन 75 लाख रूपए के लागत ले बनाय गए हावे। भवन बर कृषि मंत्री श्री बृजमोहन अग्रवाल ह विधायक निधि ले 10 लाख रूपया, लोक निर्माण मंत्री श्री राजेश मूणत हर पांच लाख रूपया, लोकसभा सांसद श्री रमेश बैस हर पांच लाख रूपया अउ राज्यसभा सांसद डॉ.भूषण लाल जांगड़े हर तीन लाख रूपया के सहायता दे हावे। एकर अलावा गुजराती लुहार समाज अउ आन समाज के लोगन मन घलोक भवन बनाए बर आर्थिक मदद करे हें। भवन के भूमिपूजन एक साल पहिलिच होय रहिस। गुजराती लुहार समाज के श्रीमती पारूल रामकृष्ण पठारिया हर भवन बनाए बर जमीन दान दे रहिस हे।
कृषि मंत्री श्री बृजमोहन अग्रवाल हर अतेक कमती समय म समय मं सामाजिक भवन बनाए बर गुजराती लुहार समाज के पदाधिकारी मन अऊ जम्‍मो सदस्य मन के प्रशंसा करत कहिन कि ये उपलब्धि सामाजिक संगठन अऊ ओकर समरथ के अच्छा उदाहरण हे। श्री अग्रवाल हर कहिन कि गुजराती समाज के मनखे अड़बड़ सरल, सहज अऊ मेहनती होथें। व्याययायिक कुशलता बर ये समाज प्रसिद्ध हे। कृषि मंत्री हर श्रीमती पारूल पठारिया के दानशीलता के विशेष तौर म सराहना करिन अऊ कहिन कि ये समाज हित मं एक प्रेरणादायक काम हे। श्री अग्रवाल हर कहिन कि जम्‍मो समाज के सक्षम लोगन मन ल गरीब परिवार मन के लइका मन के शिक्षा बर आगू आना चाही। शिक्षा प्राप्त करना हर लइका के अधिकार आए। सामुहिक रूप ले थोक-थोक मदद करे ले जम्‍मो लइका मन ल शिक्षित करे के लक्ष्य ल पाए जा सकत हे। उमन ए अवसर म गरीब परिवार मन के बेटी के हाथ पिंवरा करे बर सामुहिक भागीदारी के आव्हान जम्‍मो समाज के लोगन ले घलो करिस। एखर ले पहिली विधायक श्री सत्यनारायण शर्मा अऊ विधायक अउ छत्तीसगढ़ पाठ्यपुस्तक निगम के अध्यक्ष श्री देवजी भाई पटेल संग आन जनप्रतिनिधि मन घलोक उहां पहुंचके नवा भवन बर गुजराती लुहार समाज के मनखे मन ल बधाई अउर शुभकामना दीन। समाज के पदाधिकारी श्री रामकृष्ण पठारिया हर अपन स्वागत उदबोधन म बताइस कि भवन मं एक सामाजिक हॉल अऊ दादा भगवान सत्संग केन्द्र घलोक बनाय गए हे। भविष्य मं जरूरत के मुताबिक ए भवन के विस्तार करे जाही। ए अवसर म श्री प्रीतेश गांधी, श्री भावेश पिथालिया, श्री ललित पिथालिया, श्री गिरधर भाई संग गुजराती लुहार समाज अउर आन समाज के सदस्य बड़ झन उपस्थित रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment