गांव मं चलय सेक्स के कारोबार, मुंबई ले बलाए जाय कॉलगर्ल





महासमुंद, 10 अपरेल 2017। छत्तीसगढ़ ल बदनाम करे बर कई झन भिड़े हें, अइसनेहे एक महिला ह तुमगांव म एक अय्याशी के अड्डा चलाथे जिहां मुम्बई ले सेक्स वर्कर्स लाए जाथे अऊ ओ मन ल ग्राहक मन ल परोसे जाथे। पुलिस ल मुंबई ले कॉलगर्ल के आए के भनक लगीस, त पुलिस सीधा अड्डा म पहुंच गए, जब उहां पुलिस पहुंचिस त भीतरी के नजारा देख के दंग रह गे।
पुलिस जब उहां पहुंचीस त मुंबई के एक कॉलगर्ल अऊ अड्डा चलइया महिला के संग महासमुंद के दू मनखे संदिग्ध अवस्था मं पकड़े गीस, पुलिस के पहुंचतेच चारो कपड़ा पहिने लगिन, पुलिस उमन ल पकड़ के जेल भेज दे गीस। तुमगांव टीआई एमएल शुक्ला हर बताइस कि ओ ठिकाना म अड़बड़ बेरा ले देह व्यापार के शिकायत मिलत रहिस। सनिवार भिनसरहा मुखबिर ले सूचना मिलिस जेखर आधार म पुलिस टीम हर छापा मारिस। उहां 28 बछर के जवान टूरी, 47 बछर के महिला अऊ ग्राहक के रूप मं पहुंचे 42 बछर के भलेसर रोड महासमुंद निवासी एक मनखे अऊ नयापारा महासमुंद निवासी 26 बछर के मनखे एक कमरा मं संदिग्ध अवस्था मं पकड़े गइन। पूछताछ मं पता चलिस कि 28 बछर के टूरी मुंबई के रहवइया आए, जऊन ल देह व्यापार बर इहां बलाए गए रहिस। ओला अपन संग बाहिर ले जाए खातिर दुनों मनखे मन दिनभर बर 25000 रुपया मं सौदा करे रहिन।
पुलिस हर चारों ल प्रतिबंधात्मक धारा 151 अउ 107, 116 के तहत गिरफ्तार कर न्यायालय मं पेश करिस, जहां ले ओ मन ल जेल भेज दे गीस। जानकारी के अनुसार तुमगांव मं ओ महिला के अड़बड़ समें ले देह व्यापार के अड्डा चलाय जाए के सिकायत रहिस। जिहां बाहिर ले लड़की मन आवंय। उहां दिन-रात अय्याश किसिम के लोगन के आना-जाना लगे रहय। मोहल्ला के मनखे मन एखर ले त्रस्त हो गे रहिन अऊ घेरी-बेरी पुलिस से शिकायत करत रहिन। उहें पुलिस के कहना हावे कि कई पइत कार्रवाई करे हावन, फेर ओ महिला उपर एखर कोनो असर नइ होवय।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment