संगी मन के बीच प्यार-बेवफाई ल लेके होइस बहस अउ गोली चल गे





रायपुर, 10 अपरेल 2017। ओखर संग कुछ संगवारी घलोक रहिन, टूरी घलोक रहिस। संगी मन के बीच प्यार अऊ बेवफाई ल लेके बहस चलत रहिस। बहस अतका बाढि़स कि एक जवान खुद ल गोली मारके आत्‍महत्‍सा कर लीस। ओखर हरकत देख के संगी मन सन्‍न खा गइन।
शहर के मोमिनपारा मं आग लगे के खबर के बीच उही इलाका मं गोली के अवाज घलोक गूंजीस। फेर जादा हो-हल्‍ला मं गोली के अवाज गंवा गीस। ये घटना भिनसरहे होइस अइसे बताए जात हे। राजेंद्र नगर इलाका के एक युवक हर संगी मन के आघू खुद ल गोली मार लीस। जब वो आत्‍महत्‍या करे बर बंदूक निकालिस, तब संगी मन ओला समझाइन, तभो ले जब वो नइ मानिस, त संगवारी मन उहां ले भागे लगिन। संगी मन ल भागत देख वो चिल्लाइस कि अगर वो नइ रुकहीं, त वो खुद ल गोली मार लिही। फेर संगवारी मन मौके ले फरार हो गीन। एखर बाद तैश मं आके ओ हर खुद ल गोली मार लीस। जेखर कारन ओखर मौका म ही मौत हो गए।
एती घटना के सूचना मिलतेच मौमिनपारा के टीआई आजाद चौक, मौदहापारा, सरस्वती नगर अऊ क्राइम ब्रांच समेत इलाका के सीएसपी अऊ एएसपी उहां पहुंच गंय। ए घटना मं पुलिस हर मृतक के 4 दोस्त मन ल घलोक हिरासत मं ले हावे। मामला पूरा संदिग्ध बताय जावत हावे। आंखीं देखईया मन के मुताबिक मृतक के गर्लफ्रेंड अऊ एक्स गर्लफ्रेंड के मामला म संगी मन संग बहस हो गीस। बहस के बाद तात्यापारा चौक कोति ओखर संगवारी अऊ महिला संगी जाय लगिन, तभे ओ हर आत्‍महत्‍या कर लीस।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment