हॉकी अऊ तीरदांजी एकेडमी म प्रवेश बर आगू आवव






सुकमा, 26 अप्रैल 2017। प्रदेश मं हॉकी अऊ तीरदांजी के खिलाड़ी मन ल जून म आवासीय हॉकी अऊ तीरदांजी एकादमी के सौगात मिलइया हे। ये अकादमी रायपुर म सांईस कॉलेज तीर खेल भवन परिसर मं खोले जाही। ए अकादमी म प्रवेश प्रक्रिया 27 अपरेल ले शुरू होही। 27 अऊ 28 अपरेल को प्रदेश स्तरीय हॉकी अउ तीरदांजी बालिका खिलाड़ी मन के चयन ट्रायल आयोजित करे जाना हावे। 29 अउ 30 अपरेल को बालक खिलाड़ी मन के चयन ट्रायल ले जाही। चयन ट्रायल खेल भवन परिसर म स्थित अंतर्राट्रीय हॉकी मैदान मं ले जाही। अकादमी मं प्रवेश बर इच्छुक बालिका खिलाडी 26 अपरेल अऊ बालक खिलाडी 28 अपरेल को संझा 5 बजे खेल संचालनालय मं उपस्थित हो के हॉकी प्रशिक्षक राकेश टोप्पो, रश्मि एक्का अऊ तीरदांजी बर कोच श्रद्धा सोनवानी तीर पंजीयन करा सकत हावें। खिलाडी़ मन ल पंजीयन के समय जन्म प्रमाण, खेल मन के प्रमाण पत्र, आधार कार्ड अउ स्वंय के फाटो लाना होही। विरूपाक्ष पुराणिक, जिला खेल अधिकारी सुकमा हर बताय हावे कि जिला प्रशासन सुकमा के मार्ग दर्शन मं इच्छुक पात्र बालक-बालिका मन ल अकादमी मं प्रवेश बर रूचि प्रदर्शित करव। आवासीय अकादमी मं 14 साल तक के बालक/बालिका मन ल प्रवेश दे जाही। खिलाड़ी मन के आयु 1 अपरेल 2017 को 14 साल ले जादा नइ होना चाही। इच्छुक अभिभावक या खिलाडी अकादमी मं प्रवेश संबंधी जानकारी अउ व्यवस्था बर मोबाईल नम्बर 9425260430 म संपर्क कर सकत हें।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment