गुसियाये राजनाथ ह सीआरपीएफ प्रमुख अऊ सुरक्षा सलाहकार ल छत्तीसगढ़ेच म रूके ल कहिस





नई दिल्ली 25 अप्रैल 2017। केंद्रीय गृह मंत्री राजनाथ सिंह हर सुकमा म होए नक्सली हमला के घटना के बाद केंद्रीय रिजर्व पुलिस बल (सीआरपीएफ) के कार्यवाहक महानिदेशक अऊ मंत्रालय के एक आन बड़का अधिकारी ल छत्तीसगढ़ेच म रूके ल कहे हे। उमन संगें-संग इलाका म सक्रिय नक्सली संगठन मन के खिलाफ विशेष अभियान म लगे एजेंसी मन के बीच आपसी तालमेल के असरकारी रुपरेखा तय करे ल कहे हे।
अइसे पता चले हे कि दुनों बड़का अधिकारी मन ल सुकमा हमला म सामिल नक्सली मन के धरपकड़ बर चलइया अभियान के जबर रूपरेखा तैयार करे ल कहे गए हे। राजनाथ सिंह ह सीआरपीएफ के कार्यवाहक महानिदेशक सुदीप लखटकिया अऊ मंत्रालय म वरिष्ठ सुरक्षा सलाहकार के. विजय कुमार ल ए अभियान ले संबद्ध एजेंसी मन के बीच तालमेल कायम होत तक छत्तीसगढ़ मं ही रहे के निर्देश दे हे। दुनों अधिकारी मन के जिम्मेदारी हमला मं सामिल नक्सली मन के पहिचान ले जुड़े खुफिया सूचना मन के आधार म नक्सली मन ल निशाना बनाए के आदेश देहे गए हे।
बताथें कि राजनाथ हर सीआरपीएफ के आला अधिकारी मन ल निर्देश देहे हे कि ओ मन अपन हथियार, साजोसामान अऊ खुफिया सूचना मन ल इकट्ठा करे ले जुरे समस्या मन ल तुरते हल करयं ताकि नक्सल विरोधी अभियान मन मं बेहतर परिणाम आ सकय। आप मन जानतेच होहू कि मंत्रालय म वरिष्ठ सुरक्षा सलाहकार के. विजय कुमार सीआरपीएफ के प्रमुख रहे हें अऊ उंखरे सियानी म सुरक्षा बल मन तमिलनाडु में 2004 मं चंदन तस्कर वीरप्पन ल मार गिराए रहिन हें।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment