मुख्य सचिव हर करिन कई ठन निवेश परियोजना मन के स्थिति के समीक्षा

प्ररकण मन के जल्दी निराकरण के निर्देश







रायपुर 29 अपरेल 2017। मुख्य सचिव श्री विवेक ढांड हर आज इहां मंत्रालय (महानदी भवन) म राज्य के कई ठन निवेश परियोजना मन के स्थिति के समीक्षा करिन। ए परियोजना मन म दल्लीराजहरा-जगदलपुर, जगदलपुर-किरन्दुल रेल लाईन, एसईसीएल के कोयला खदान, एनटीपीसी-पावर प्लांट, एनएमडीसी-स्टील प्लांट, स्लरी पाईप लाईन आदि सामिल हावय। श्री ढांड हर ए परियोजना मन के प्रकरण मन के जल्दी निराकरण करे के निर्देश संबंधित अधिकारी मन ल दीन। बैठक म भारत सरकार केबिनेट सचिवालय के अतिरिक्त सचिव श्री अरूण गोयल हर घलोक हिस्सा लीन।
बैठक म मुख्य सचिव हर वीडियों कॉन्फ्रेसिंग के संग संबंधित संभाग के कमिश्नर, जिला कलेक्टर, पुलिस अधीक्षक अउ वनमण्डलाधिकारी मन ले निवेश परियोजना मन के प्रकरण मन म वन अनुमति, जमीन व्यपर्वतन के अभीन के स्थिति के विस्तृत जानकारी लीन। श्री ढांड हर परियोजना के प्रकरण मन के निराकरण बर राजस्व, वन अउ विधि विधायी विभाग के समन्वय ले लउहे निराकृत करे के निर्देश दीन। श्री ढांड हर संबंधित जिला मन के कलेक्टर, पुलिस अधीक्षक अउ वनमण्डलाधिकारी मन ल घलोक जरूरी सहयोग करे के निर्देश दीन। बैठक म अपर मुख्य सचिव वाणिज्य अउ उद्योग श्री एन.बैजेन्द्र कुमार, प्रमुख सचिव वन श्री आर.पी.मण्डल, प्रमुख सविच गृह श्री बी.व्ही. आर. सुब्रमण्यम, सचिव खनिज श्री सुबोध कुमार सिंह, सचिव जल संसाधन श्री जी.एस. मिश्रा, पुलिस महानिदेशक श्री ए.एन.उपाध्याय संग कई विभागों के वरिष्ठ अधिकारी अउ एन.एम.डी.लि., एस.ई.लि.एल., एन.टी.पी.लि., ईस्ट कोस्ट रेल विकास निगम अउ भिलाई स्टील प्लांट के अधिकारी उपस्थित रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment