छटेरा समाधान शिविर मं पहुंचिन कृषि मंत्री श्री अग्रवाल

अंदाजन 28 करोड़ रूपया के विकास कार्य मन के स्वीकृति
महानदी मुख्य नहर अउ दूसर शाखा नहर मन के लाईनिंग अउ जीर्णोद्धार बर 23 करोड़
निसदा बैराज मं वाटर स्पोर्ट्स के सुविधा विकसित करे एक करोड़







रायपुर, 28 अपरेल 2017।  कृषि अउ जल संसाधन मंत्री श्री बृजमोहन अग्रवाल हर लोक सुराज अभियान के तहत आरंग विकासखण्ड के ग्राम छटेरा मं आयोजित लोक समाधान शिविर मं अंदाजन 28 करोड़ रूपया के विकास कार्य मन के स्वीकृति दीन। उमन ए अवसर म ग्रामीण मन ल संबोधित करत कहिन कि लोक सुराज अभियान के तहत प्रदेश सरकार आप मन के दरवाजा बिना बलाए पहुंचत हे अऊ ये जाने के उदीम करत हे कि शासन के जनहितैषी योजनाओं के लाभ आम जनता ल मिलत हावे कि नइ। उमन कहिन कि अभियान के समय आम मनखे मन जऊन समस्या बतावत हें ओखर निराकरण प्राथमिकता के आधार म करे जात हे। ज्यादातर मांग मन घलोक पूरा होवत हे। आम जनता के समस्या ल दूर करे अऊ उंखर मांग मन ल पूरा करे बर सरकार पूरा गंभीरता ले काम करत हे। कृषि मंत्री हर ए अवसर म राज्य सरकार के कई विभाग कोति ले संचालित हितग्राही मूलक योजना मन के तहत हितग्राही मन ल सामान अऊ अनुदान राशि के चेक वितरित करिन। ए अवसर म आरंग विधायक श्री नवीन मारकण्डेय, छत्तीसगढ़ भवन अउ सन्निर्माण कर्मकार कल्याण मंडल के अध्यक्ष मोहन एंटी विशेष रूप ले उपस्थित रहिन।
छटेरा के समाधान शिविर मं कई विभाग मन हर स्टाल लगाए रहिन हे, जिहां ग्रामीण मन ल विभागीय योजना मन के जानकारी दे गीस। श्री अग्रवाल हर सब्बो स्टाल मन के निरीक्षण घलोक करिन। कृषि मंत्री हर अपन उद्बोधन मं कहिन कि गांव, गरीब अऊ किसान मन के उन्नति प्रदेश सरकार के प्राथमिकता मं सामिल हावे। किसान मन ल खेती बर निःशुल्क बिजली के सुविधा अउ हर खेत तक सिंचाई बर पानी पहुंचाये बर ठोस काम करत प्रदेश सरकार हर खेती-किसानी के लागत कम करे के दिशा मं उल्लेखनीय प्रयास करे हावे। उमन ए अवसर म किसान मन से धान के संगे-संग आन नगदी फसल अऊ उद्यानिकी के खेती करे के सुझाव दीन। श्री अग्रवाल हर कहिस कि पशु पालन अऊ मछली पालन ले घलोक किसान अपन आय ल बढ़ा सकत हावे। उमन कहिन कि एक समय रहिस जब गांव मन मं घर-घर पशुधन होत रहिस, फेर आज अइसन नइ  हे। आज के परिस्थिति अइसन हे कि रासायनिक खाद मन के परयोग ले खेत मन के उपजाऊ शक्ति प्रभावित होवत हे। रासायनिक खाद अऊ दवा मन के उपयोग के कारण खाद्यान्न के गुणवत्ता मं कमी आवत हे। अइसन लगत हे कि जैविक खेती आज के समय के प्रमुख जरूरत बनत जात हे। जैविक खेती बर पशुधन के अलग महत्व हे। श्री अग्रवाल हर कहिन कि प्रदेश सरकार हर जैविक खेती मिशन शुरू करे हावे। किसान मन ल जैविक खेती के तरफ ले जाय बर हर संभव कोसिस करे जात हे।
कृषि मंत्री हर शिविर मं छटेरा पंचायत भवन बर 14 लाख रूपया, सीसी रोड निर्माण बर 10 लाख रूपया, आंगनबाड़ी भवन निर्माण, दो हैण्डपम्प, छटेरा मं शिव मंदिर सरोवर तालाब के नीचे मंगल भवन निर्माण बर धर्मस्व विभाग ले 10 लाख रूपया, सिंचाई बर उपयोगी छटेरा तालाब के गेट अउ डायवर्सन बर 50 लाख, राजीव निसदा बैराज से नेशनल हाईवे (महासमुन्द मार्ग) तक सड़क के निर्माण बर 68 लाख रूपया, निसदा बैराज मं वाटर स्पोर्ट्स बर 1 करोड़, ग्राम भलेरा मं स्टापडेम के रिमॉडलिंग कर ओला डायवर्सन बनाके अंदाजन 200 एकड़ मं सिंचाई सुविधा प्रदान करे बर एक करोड रूपया, महानदी मुख्य नहर वितरण नंबर 17 के लाइनिंग बर 13 करोड़ 48 लाख रूपया, महानदी मुख्य नहर शाखा अउ वितरण शाखा 23 के माइनर जीर्णोद्धार अउ नहर लाइनिंग बर 10 करोड़ रूपया के स्वीकृति प्रदान करिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.

    Blogger Comment
    Facebook Comment

0 comments:

Post a Comment