आम जनता के समस्या मन के समाधान करना ही समाधान शिविर के उद्देश्य हे : मूणत

जिला मं आयोजित समाधान शिविर मन मं संघरिन प्रभारी मंत्री
मिट्टी तेल सप्लाई करे मं लापरवाही बरतइया डीलर के विरूद्ध कार्रवाई करे के निर्देश






राजनांदगांव 27 अप्रैल 2017। जिला के प्रभारी मंत्री अउ प्रदेश के लोक निर्माण आवास, पर्यावरण अउ परिवहन मंत्री श्री राजेश मूणत हर कहिन कि आम जनता के मांग अउ समस्या के निराकरण करना ही लोक सुराज अभियान के अंतर्गत आयोजित समाधान शिविर मन के उद्देश्य हे। श्री मूणत हर कहिन कि मुख्यमंत्री डॉ. रमन सिंह संग प्रदेश के जम्‍मो मंत्रीगण अउ राज्य शासन के आला अधिकारी हर दिन प्रदेश के कई ठन क्षेत्र मन मं आयोजित समाधान शिविर मन मं उपस्थित होके ग्रामीण मन के मांग अउ समस्या मन के निराकरण के जानकारी लेवत हें। श्री मूणत आज राज्य शासन कोति ले चालू करे गए लोक सुराज अभियान 2017 के अंतर्गत जिला के अलग-अलग तीन जघा मन मं आयोजित समाधान शिविर मन ल संबोधित करत रहिन। श्री मूणत आज जिला के छुईखदान विकासखंड के ग्राम घिरघोली, छुरिया विकासखंड के ग्राम कल्लूबंजारी अउ अम्बागढ च़ौकी विकासखंड के ग्राम कौडी़कसा मं आयोजित समाधान शिविर मं सामिल होके आम जनता के मांग अउ समस्या मन के समाधान के संबंध मं जानकारी लीन। ए दौरान विधायक मोहला-मानपुर श्रीमती तेजकुंवर नेताम, जिला सहकारी केन्द्रीय बैंक के अध्यक्ष श्री सचिन बघेल, पूर्व विधायक श्री शिवराज उसारे अउ श्री संजीव शाह, जिला के प्रभारी सचिव श्री एमके त्यागी, कलेक्टर श्री मुकेश बंसल अउ पुलिस अधीक्षक श्री प्रशांत अग्रवाल, सीईओ जिला पंचायत श्री चंदन कुमार घलोक विशेष रूप से उपस्थित रहिन।

ग्राम कौडी़कसा समाधान शिविर मं ग्रामीण मन के संग म पाछू तीन चार महिना ले शासकीय उचित मूल्य के दुकान मन मं मिट्टी तेल नइ मिले के शिकायत प्रभारी मंत्री ले करिन। प्रभारी मंत्री हर एला घोर लापरवाही मानत उचित मूल्य के दुकान मन मं मिट्टी तेल के सप्लाई नइ करे बर संबंधित डीलर के विरूद्ध कार्रवाई करे के निर्देश कलेक्टर श्री मुकेश बंसल ल दीन। प्रभारी मंत्री श्री मूणत हर कहिन कि जऊन पात्र परिवार मन ल प्रधानमंत्री उज्ज्वला योजनांतर्गत निःशुल्क रसोई गैस कनेक्शन नइ मिले हे, ओ मन ल अनिवार्य रूप ले निरधारित मात्रा मं मिट्टी तेल प्रदान करे जाय। ए अवसर म उमन बताइन कि तीन महीना के भीतर जम्‍मो पात्र हितग्राही मन ल प्रधानमंत्री उज्ज्वला योजनांतर्गत निःशुल्क रसोई गैस कनेक्शन प्रदान कर दे जाही। श्री मूणत हर उपस्थित ग्रामीण मन ले खाद्यान्न वितरण, नवा राशन कार्ड बनइ अउ राशन मं नाम जोड़े से लेकर, अस्पताल मन मं ईलाज अउ दवाई के उपलब्धता, स्कूल मन मं लइका मन ल पाठ्य पुस्तक मन के वितरण, सूखा प्रभावित कृषक मन ल फसल बीमा के मुआवजा आदि के संबंध मं विस्तार ले जानकारी लीन। एखर अलावा उमन पेंशन योजना अउ प्रधानमंत्री आवास योजना के स्वीकृति, श्रमिक कार्ड निर्माण आदि कई ठन योजना मन के संबंध मं ग्रामीण मन ले जानकारी लीन। प्रभारी मंत्री हर ग्रामीण मन के मांग, समस्या मन के निराकरण के संबंध मं संबंधित विभाग के अधिकारी मन ल तलब करके विस्तार ले जानकारी लीन। प्रभारी मंत्री हर कहिन कि शासन के मंशा हे कि कोनो स्कूल पहुंच विहीन मत रहे।
एखर खातिर उमन उपस्थित जनप्रतिनिधि मन के अलावा राजस्व अनुविभागीय अधिकारी, शिक्षा विभाग के अधिकारी मन ल अइसन स्कूल मन ल चिन्हांकित करके कार्यपालन अभियंता लोक निर्माण विभाग ल सूची प्रदान करे ल कहिन। उमन कहिन ए स्कूल मन म एक महीना के भीतर पहुंच मार्ग के निर्माण कर दे जाए। ए दौरान प्रभारी मंत्री हर शिविर मं लगे कई विभाग मन के पंडाल म पहुंचके अधिकारी मन ले शिविर मं आए कुल आवेदन अउ ऊंखर निराकरण के संबंध मं जानकारी लीन। श्री मूणत हर शिविर मं उपस्थित ग्रामीण मन के बीच पहुंचके समस्या मन के समाधान के बारे मं उंखर संतुष्टी के बारे म घलोक जानकारी लीन।
समाधान शिविर मं कलेक्टर श्री मुकेश बंसल हर उपस्थित ग्रामीण मन ल लोक सुराज अभियान के उद्देश्य अउ महत्व के संबंध मं जानकारी दीन। ए अवसर म उमन ग्रामीण मन ल प्रधानमंत्री आवास योजना, पेंशन योजना, राशन कार्ड निर्माण आदि कई योजना मन अउ उंखर खातिर निरधारित करे गए पात्रता अउ मापदंड मन के संबंध मं घलोक विस्तार ले जानकारी दीन। श्री बंसल हर जिला प्रशासन के तरफ ले उपस्थित जनप्रतिनिधि मन अउ ग्रामीण मन के स्वागत अउ अभिनंदन करिन। आज आयोजित समाधान शिविर मं घिरघोली कलस्टर मं सामिल ग्राम पंचायत घिरघोली, उरतुली, मुरई, शाखा, भोरमपुर, छुरानदी, बाईकटोरी, खुड़मुड़ी अउर लंझियाटोला संग कुल 9 ग्राम पंचायत मन ले आए कुल 4223 आवेदन मन मं ले 3838 आवेदन मन के निराकरण करे गीस। कल्लू बंजारी कलस्टर मं सामिल ग्राम पंचायत आलीवारा, दामाबंजारी, फाफामार, घोटिया, गैंदाटोला, जयसिंगटोला, कल्लूबंजारी, कूहीकला, मेटेपार, टिपानगढ़ संग 10 ग्राम पंचायत मन ले आए कई ठन विभाग मन ले संबंधित कुल 1516 आवेदन मन मं ले कुल 1443 आवेदन मन के निराकरण करे गीस। अइसनहे कौड़ीकसा मं आयोजित समाधान शिविर मं कौड़ीकसा कलस्टर मं सामिल ग्राम पंचायत अरजकुंड, आड़ेझर, बागनारा, बुटाकसा, देवरसूर, गोपलीनचुवा, करमतरा, कौड़ीकसा, मुरेठीटोला अउ तारमटोला संग कुल 10 ग्राम पंचायत मन ले आए कुल 1624 आवेदन मन मं ले 1571 आवेदन मन के निराकरण करे गीस।
कल्लूबंजारी समाधान शिविर मं ग्राम गैंदाटोला निवासी लक्ष्मीन, श्यामलाल, रमोतीन अउर सुखबती ल समाजिक सुरक्षा पेंशन योजना के स्वीकृति प्रदान करे गीस। अइसनहे ग्राम कल्लूबंजारी के रतनी बाई, लगनीबाई, माना अउर ग्राम मेटपार के योति बाई, बिटानबाई अउर ग्राम मासूल के भगवंतीन बाई संग कुल 86 हितग्राही मन ल प्रधानमंत्री उज्ज्वला योजनांतर्गत निःशुल्क रसोई गैस कनेक्शन प्रदान करे गीस। अइसनहे ग्राम कल्लूबंजारी के बिरोला बाई, सखी मंडामे, ग्राम घोटिया के मीना बाई अउर डुलेश्वरी संग 60 हितग्राहि मन ल नीला रंग के राशन कार्ड प्रदान करे गीस। अइसनहे कौड़ीकसा कलस्टर के अंतर्गत ग्राम कौड़ीकसा के मोहन लाल ल नामांतरण ऋण पुस्तिका, ग्राम मुरेटीटोला के गणपत ल खाता विभाजन ऋण पुस्तिका, ग्राम कौडूटोला के भारत निषाद, रेंगाकठेरा के जगदीश राम संग कुल 11 हितग्राहि मन ल आईसबाक्स प्रदान करे गीस। अइसनहे ग्राम भगवानटोला के गौतम, नीलचंद अउर गैंदलाल ल बैटरी कम हैण्ड स्प्रेयर प्रदान करे गीस। समाधान शिविर मं जनपद अध्यक्ष छुरिया श्रीमती लता बाई मंडावी, जनपद अध्यक्ष अम्बागढ़ चौकी श्री शिवचरण अमरिया, श्री विजय साहू, श्री राजेश सिंघी, श्री आत्माराम चंद्रवंशी, श्री गुलाब गोस्वामी संग एसडीएम मोहला श्री ऋतुराज रंघुवंशी, सहायक कलेक्टर श्री विजय दयाराम, एसडीएम डोंगरगांव श्री अविनाश भोई संग जनप्रतिनिधिगण, कई ठन विभाग के अधिकारी-कर्मचारि मन के अलावा बड़ संख्या मं ग्रामीण उपस्थित रहिन।








Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment