जंगली सू्अर के खेदा म फंदा गए कमांडेंट



style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">


जगदलपुर, 08 अपरेल 2017। छत्तीसगढ़ के बस्तर म जंगली सूअर के शिकार के मामला म कथित रुप ले सामिल सीआरपीएफ कमांडेंट के तबादला जम्मू-कश्मीर कर दे गीए हे। खबर हवय के अभी तक मृत जंगली सूअर के शव के पोरस्टमार्टम रिपोट वन विभाग ल नइ मिल पाए हवय। वन विभाग के अधिकारी मन बस्तर म सुरक्षाबल के जवान मन के खिलाफ कार्रवाई करे के पक्ष म नइ दिखत हें। फेर इमन ल बचाए खातिर का रद्दा निकाले जाए इही बात म कलम अटके हे।
सुनगुन हवय कि बीते हफ्ता बस्तर म सीआरपीएफ के जवान मन शिकार करत पकड़े गए रहिन। सीआरपीएफ के तीन जवान मन ल वन विभाग के टीम हर जंगली सूअर के लाश के संग गिरफ्तार करे रहिस अउ ये मामला म पुलिस स्टेशन म एफआईआर दर्ज करवा देहे गए रहिस। जऊन जीप म जंगली सूअर ल मारके ले जाए जात रहिस तेला घलोक जब्त कर ले गए रहिस। खबर एहू हे कि आरोपी जवान मन शिकार के बात ल कबूल घलव कर लेहे रहिन, तेखर बाद उखंर उपर मुकदमा दर्ज कराए गीस। ए मामला म सीआरपीएफ के दू जवान अउ ड्राइवर ल आरोपी बनाय गए हे। फिलहाल पुलिस मामला के जांच करत हे।


style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment