दारू के कोचियई छोड़ दव अउ दूध बेंचव, नइ तो उल्टा टांग दे जाहू





बिजली विभाग के साहेब मन ल तो करंट के जइसन तुरंते दउड़ना चाही


कोरबा, 07 अपरेल 2017। छत्तीसगढ़ के मुख्यमंत्री डॉक्टर रमन सिंह हर कोरबा जिला के राजस्व अऊ प्रशासनिक अफसर मन के बैठक लेवत कहिस कि कहूं कोनो कोचिया शराब बेचइ छोड़ के बने रद्दा म रेंगना चाहही, त ओला सरकार के तरफ से देवभोग दूध बेचे के घंघा ले जोड़े जाही अऊ जऊन कोचियई नइ छोड़ही, ओला उल्टा टांग दे जाही। उमन ये घलोक कहिन कि कहूंर कोनो कोचिया शराब बेचत पकड़े जाही, त ओला ठीक कर दव अऊ ओखर गाड़ी ल राजसात कर दव। मुख्यमंत्री लोक सुराज अभियान के तहत क ाली कोरबा जिला के दौरे म रहिन। ए दौरान उमन बिरदा गांव पहुंचके आंगनबाड़ी केंद्र के लइका मन ले मुलाकात तको करिन। संगें-संग ओ मन ल चॉकलेट घलोक दीन। समाधान शिविर मं आए जम्‍मो आवेदन मन के जानकारी लेवत उमन प्रधानमंत्री आवास योजना अऊ उज्ज्वला योजना के जानकारी घलव लीन। उमन बिजली विभाग के अधिकारी ल मंच म आए के निर्देश दीन अऊ देरी होए म ये कहिन कि बिजली विभाग के साहेब मन ल तो करंट के जइसन तुरंते दउड़ना चाही।








Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment