छत्तीसगढ़ के दोरनापाल म वायुसेना के हेलीकाप्टर गिरिस, पायलट संग पांच मनखे घायल






जगदलपुर। छत्तीसगढ़ के सुकमा जिला मं आज वायुसेना के हेलीकॉप्टर दुर्घटनाग्रस्त हो गीस, वोमा सवार केंद्रीय रिजर्व पुलिस बल (सीआरपीएफ) के अधिकारी अउ जवान बाल-बाल बच गे। छत्तीसगढ़ के सुकमा जिला के दोरनापाल मं हेलीकॉप्टर लैडिंग के समय दुर्घटनाग्रस्त हो गीस। दुर्घटना मं पायलट संग पांच मनखे घायल हो गे। घटना काली बुधवार संझा के बताए जात हे।
खबर हचय के वायुसेना के हेलीकॉप्टर म दू पायलट समेत सीआरपीएफ के पांच अधिकारी अऊ कर्मचारी सुकमा जिला मुख्यालय ले चिंतागुफा थाना बर रवाना होइन। संझा कन चिंतागुफा हेलीपेड मं उतरत खानी हेलीकॉप्टर के राउटर प्लेट पेड़ ले टकराके क्षतिग्रस्त हो गीस। हेलीकॉप्टर ल सम्‍हाल के जइसे-तइसे हेलीपेड मं सकुशल उतारे गीस। वोमा सवार जम्‍मो अधिकारी-कर्मचारी एक बड़े दुर्घटना ले बाल-बाल बांच गें। बस्तर के पुलिस महानिरीक्षक विवेकानंद सिंहा हर बताइस कि हेलीकॉप्टर के राउटर प्लेट क्षतिग्रस्त हो गीस हावे, जेखर संधारण बर काल तकनीकी विशेषज्ञ मन के दल चिंतागुफा रवाना करे जाही। उमन कहिन कि हेलीकॉप्टर मं सवार जम्‍मो अधिकारी कर्मचारी सुरक्षित हें।
Commando Battalions for Resolute Action (CoBRA)




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment