स्कूल शिक्षा मंत्री करिस संस्कृत विद्यामंडलम् के वार्षिक परीक्षा परिणाम घोषित






रायपुर, 28 अप्रैल 2017। स्कूल शिक्षा मंत्री श्री केदार कश्यप ह आज बिहनिया राजधानी स्थित अपन निवास कार्यालय मं छत्तीसगढ़ संस्कृत विद्यामंडलम् के 2016-17 मं आयोजित वार्षिक परीक्षा के परिणाम मन के घोषणा करिन। ए परीक्षा के परिणाम 94.17 प्रतिशत रहिस। येमां पूर्व मध्यमा (कक्षा नवमी अउ दसवीं) अऊ उत्तर मध्यमा (ग्यारहवीं अउर बारहवीं) कक्षा के 2986 विद्यार्थी मन से 2686 विद्यार्थी उत्तीर्ण होइन, जेमा से 594 विद्यार्थी पहिली नम्‍बर म, 524 विद्यार्थी दूसर नम्‍बर म अउ 55 विद्यार्थी तीसरा नम्‍बर मं पास घोषित करे गीस। मंडल कोति ले आयोजित प्राच्य संस्कृत वार्षिक परीक्षा 2017 मं पूर्व मध्यमा पहिली के अन्तर्गत 865 विद्यार्थी उत्तीर्ण घोषित करे गीस। अइसनहे पूर्व मध्यमा दूसरी मं 705 विद्यार्थी, उत्तर मध्यमा पहिली मं 651 विद्यार्थी अऊ उत्तर मध्यमा दूसरी मं 468 विद्यार्थी उत्तीर्ण होए हें।
स्कूल शिक्षा मंत्री श्री कश्यप ह छत्तीसगढ़ संस्कृत विद्यामंडलम् कोति ले आयोजित वार्षिक परीक्षा के परिणाम के घोषणा करत जम्‍मो सफल विद्यार्थी मन ल बधाई अऊ शुभकामना दीन। उमन फेल विद्यार्थी मन ल सफल होए बर अऊ जादा मेहनत अउ लगन ले पढ़ाई करे बर कहिन। मंडल के प्रावीण्य सूची के अन्तर्गत उत्तर मध्यमा दूसर साल मं श्री रामेश्वर गहिरा गुरू संस्कृत विद्यालय सामरबार के छात्रा कुमारी इन्दु भगत हर 86.50 प्रतिशत अंक के संग पहिली स्थान हासिल करे हे। अइसनहे पूर्व मध्यमा दूसर साल मं राष्ट्रीय आदर्श प्राच्य संस्कृत विद्यालय जिला बलौदाबाजार- भाटापारा के छात्र श्री उमेश साहू हर 77.7 प्रतिशत अंक के संग पहिली स्थान प्राप्त करे हे। ए अवसर म छत्तीसगढ़ संस्कृत विद्यामंडलम् के सचिव डॉ. सुरेश कुमार शर्मा संग विभागीय अधिकारी उपस्थित रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment