रायपुर म आज होही छत्तीसगढ़ के आईएएस अफसर मन के कामकाज के समीक्षा





रायपुर, 13 अप्रैल 2017। छत्तीसगढ़ के आईएएस अफसर मन के कामकाज के समीक्षा बर छानबीन समिति के बैठक आज मंत्रालय म होवइया हावय। केंद्र के निर्देश म होवत ए बैठक म जऊन अधिकारी मन के काम संतोषजनक नइ पाए जाही ओ मन ल अनिवार्य सेवानिवृत्ति दे के घलोक प्रावधान हावय।
ए साल छत्तीसगढ़ के एक आईपीएस अफसर राजकुमार देवांगन ल केंद्र के निर्देश म अनिवार्य सेवानिवृति देके पद ले हटा दे गए हे। ए कार्रवाई के बाद अब कई दागी अउ काम टरकईया आईएएस, आईपीएस समेत आईएफएस अफसर मन म घलोक कार्रवाई के आसार हावय। सरकार हर हर साल अफसर मन के कामकाज के आकलन करथे अउ बने असन काम नइ करइया मन ल नौकरी से हटाए के फैसला करथे।
रिव्यू कमेटी म केंद्र सरकार के प्रतिनिधि के रूप म मध्यप्रदेश के अपर मुख्य सचिव श्रम बी आर नायडू मौजूद रहिहीं। छत्तीसगढ़ के मुख्यसचिव के अध्यक्षता म मंत्रालय म ये बैठक मंझनिया 3 बजे ले शुरू होही। बैठक म आईएएस अफसर मन के रिपोट उपर ही चर्चा होही।
ये चर्चा हावय कि एखर पाछू अंदाजन आधा दर्जन अफसर मप के खिलाफ कमेटी अपन सिफारिश भेज सकत हावय जेमें कुछ के उपर भ्रष्टाचार के आरोप हावय त कुछ के कामकाज संतोषजनक नइ हावय। कमेटी के पाछू बैठक म घलोक कुछ अफसर मन के काम संतोषजनक नइ पाए गए रहिस अउ एखर रिपोट केंद्र सरकार ल दे गए रहिस। बैठक म 81 ले 94 बैच के अफसर मन के काम मन के समीक्षा होही।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment