छात्र नेता मन करिन तोड़फोड, जीव बचाय बर कोलकी म लुकाइस कुलपति






रायपुर, 26 अप्रैल 2017। पंडित रविशंकर शुक्ल विश्वविद्यालय मं छात्रसंघ अध्यक्ष वैभव सिंह ह कुछ बाहरी छात्र मन ल लेके कुलपति डॉ.एस.के. पांडे के कुरिया मं घुसर गए। उहां पहुंचतेच जम्मो झन ह कुरिया मं जमके तोड़फोड़ करिन। छात्र मन अतेक गुसियाये रहिन कि सीधा कुलपति ऊपर हमला करइया रहिन। ये स्थिति ल देख के कुलपति कोलकी कोति जा के लुका गे।
खबर हवय के छात्र नेता मन के कई ठन मांग मन ल विश्वविद्यालय प्रबंधन हर नइ मानत रहिस हे, तेखर सेती ओ मन आक्रोशित रहिन। बताथें कि ये घटना ले पहिली विश्वविद्यालय छात्रसंघ अध्यक्ष वैभव सिंह ठाकुर ह कुलपति ल फोन लगाये रहिस फेर जब कुलपति ह फोन ल नई उठाइस तब सब मिलके वोकर कुरिया भीतर घुसर के तोड़फोड़ कर दीन।
घटना के बाद अध्यक्ष वैभव सिंह ठाकुर अऊ आन छात्र मौका ले फरार हो गे। मामला के जांच सरस्वती नगर पुलिस ह करत हे। सब्बो छात्र मन के खिलाफ सरकारी काम मं बाधा के संग हमला करे के मामला दरज करे गए हे। एति छात्र अधिष्ठाता कल्याण नीता बाजपेई के कहना हावे कि छात्र नेता मन ल निलंबित करना चाही। छात्र मन ह कुरिया म माढ़े कुर्सि मन ल टोड़ दीन अऊ कांच के टेबल ल पलटा दीन अउ अड़बड़ उत्पात मचाईन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment