छत्तीसगढ़ के युवा मन ल वायु सेना मं भर्ती खातिर 10 प्रतिशत छूट

छत्तीसगढ़ के युवा मन ल वायु सेना मं भर्ती होए के सुघ्‍घर बेरा मिलइया हे। एयरमेन स्लेशन सेंटर भोपाल अऊ जिला प्रशासन रायपुर कोति ले वायु सेना के कई ठन पद मन म भर्ती बर भरती रैली के आयोजन 7 जून ले 10 जून तक इंडोर स्टेडियम मं करे जाही। वायु सेना के लाईजनिंग अधिकारी अमृतेश अऊ रायपुर कलेक्टर ओ.पी.चौधरी हर सुकरवार के दिन मीडिया ल जानकारी देत बताईन कि भर्ती रैली मं ग्रुप-वाय के भारतीय वायु सेना (सुरक्षा), भारतीय वायु सेना (पुलिस), ग्राउंड ट्रेनिंग इंस्ट्रक्टर अउ ऑटो टेक्नीशियन पद मन म भर्ती बर लिखित परीक्षा, शारीरिक फिटनेस परीक्षा, साक्षात्कार अऊ मेडिकल जांच करे जाही।
ए पद मन बर शैक्षणिक योग्यता 12 वीं मं 60 प्रतिशत अंक अनिवार्य हे फेर ए भर्ती रैली मं छत्तीसगढ़ के युवा मन ल 10 प्रतिशत के छूट देहे गए हे। जेखर ले इहां जादा ले जादा युवा येमा भाग लेके सफल हो सकंय। उमन बताइन कि रायपुर संग छत्तीसगढ़ के 14 आन जिला के अविवाहित युवा येमां हिस्सा ले सकहीं। ए पद मन मं भाग लेहे बर आवेदक के उमर 17 ले 21 साल के बीच अउ 12वीं या समकक्ष परीक्षा कोनो विसय म कम से कम 50 प्रतिशत अंक म उत्तीर्ण होना चाही। अंगरेजी विसय मं 50 प्रतियात अंक अनिवार्य हे। भर्ती रैली मं पहिली ले आवेदन करे के जरूरत नइ हे, भर्ती तारीक को भिनसरहा 5 बजे ले 9 बजे तक टोकन लेके प्रमाण पत्र के सत्यापन कराए के बाद भाग ले सकत हें।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment