प्रदेश मं अंतर्राष्ट्रीय योग के आयोजन 21 जून के दिन


  • राजधानी रायपुर के इंडोर स्टेडियम मं होही

  • अपर मुख्य सचिव हर लीस तैयारी के संबंध मं बैठक





रायपुर 22 मई 2017। अंतर्राष्ट्रीय योग दिवस के अवसर म राजधानी रायपुर संग जिला, विकासखण्ड अऊ ग्राम पंचायत स्तर म अवइया 21 जून के दिन योग कार्यक्रम आयोजित करे जाही। कार्यक्रम के तैयारी के संबंध मं अपर मुख्य सचिव कृषि श्री अजय सिंह हर आज इहां मंत्रालय (महानदी भवन) मं कइ विभाग के वरिष्ठ अधिकारी मन के बैठक लीन। बैठक मं लेहे गए निर्णय के अनुसार इंडोर स्टेडियम बुढ़ापारा रायपुर मं पंतजलि योग समिति के सहयोग ले बिहनिया 7 से 8 बजे तक राज्य स्तरीय योग कार्यक्रम होही। 21 जून को योग दिवस ले पहिली राज्य स्तर म 30 अउ 31 मई को, जिला स्तर म चार ले सात जून तक, विकासखण्ड स्तर म आठ ले ग्यारह जून तक अऊ ग्राम पंचायत स्तर म 12 ले 17 जून तक प्रशिक्षण कार्यक्रम घलोक आयोजित करे जाही। योग कार्यक्रम मं युवा मन के भागीदारी सुनिश्चित करे बर 15 ले 21 जून तक ’’योगा फेस्ट’’ के घलोक आयोजन करे जाही।
बैठक मं समाज कल्याण विभाग के सचिव श्री सोनमणि बोरा हर बताइस कि भारत सरकार आयुष मंत्रालय के निर्देश के अनुसार ए साल 21 जून के दिन योग दिवस मनाए जाही। उमन प्रस्तुतीकरण के जरिये पाछू दू बछर मं राज्य मं आयोजित करे योग कार्यक्रम मन के जानकारी दीन। उमन बताइन कि योग प्रदर्शन के उद्देश्य जन सामान्य मं योग के खातिर जागरूकता लाय अऊ योग ले शारीरिक अऊ मानसिक रोगों मं होवइया लाभ ले परिचित कराना हे। ए आयोजन मं स्कूल, महाविद्यालय, विश्वविद्यालय, सामान्य नागरिक योग ले संबंधित संस्था, पुलिसकर्मी, राष्ट्रीय सेवा योजना, एन.सी.सी., स्काउट, नेहरू युवा केन्द्र आदि ल सामिल करे जाही। ये कार्यक्रम जनमानस अउ आम लोगन ल स्वास्थ्य अउ निरोग रखे बर राज्य शासन के एक व्यापक आयोजन ये। एखर खातिर कइ ठन शासकीय विभाग मन के अलावा अशासकीय संस्था, सार्वजनिक उपक्रम अऊ स्वैच्छिक संगठन मन के भागीदारी घलोक लेहे जाही।
बैठक मं योग दिवस के आयोजन मं जिला कलेक्टर मन ल नोडल अधिकारी बनाके जादा ले जादा लोगन ल योग कार्यक्रम मं जोड़े अऊ एखर समुचित प्रचार-प्रसार करे उपर चर्चा करे गीस। बैठक मं अपर मुख्य सचिव उच्‍च शिक्षा श्री सुनील कुजूर, प्रमुख सचिव वन अउ श्रम श्री आर.पी.मण्डल, प्रमुख सचिव कौशल विकास अउ तकनीकी शिक्षा श्रीमती रेणु पिल्ले, प्रमुख सचिव स्वास्थ्य श्री सुब्रत साहू, सचिव स्कूल शिक्षा श्री विकासशील, सचिव महिला अउ बाल विकास डॉ. एम. गीता, सचिव जनसम्पर्क श्री संतोष मिश्रा, सचिव आवास अउ पर्यावरण श्री संजय शुक्ला, विशेष सचिव नगरीय प्रशासन डॉ. रोहित यादव, रायपुर संभाग के कमिश्नर श्री बृजेशचन्द्र मिश्रा, रायपुर रेंज के पुलिस महानिरीक्षक श्री प्रदीप गुप्ता, संचालक समाज कल्याण डॉ. संजय अंलग, कलेक्टर रायपुर श्री ओ.पी. चौधरी अउ नगर निगम रायपुर के आयुक्त श्री रजत बंसल संग कइ विभाग मन के वरिष्ठ अधिकारी उपस्थित रहिन।





Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment