पुलिस प्रशिक्षण विद्यालय म 295 नवा सिपाही मन के दीक्षांत परेड आयोजित

रायपुर, 19 मई 2017। राजधानी रायपुर के तीर माना स्थित पुलिस प्रशिक्षण विद्यालय म नवा सिपाही मन के बुनियादी प्रशिक्षण सत्र के दीक्षांत समारोह आज बिहनिया आयोजित करे गीस। अतिरिक्त पुलिस महानिदेशक श्री संजय पिल्ले हर दीक्षांत परेड के सलामी लीस। प्रशिक्षण सफलता ले पूरा करे के बाद संयुक्त दीक्षांत परेड म कुल 295 नवा सिपाही मन हिस्सा लीन। ये पुरूष नव आरक्षक मन के 37वां अउ महिला आरक्षक मन के 24वां दीक्षांत समारोह रहिस। पुलिस प्रशिक्षण विद्यालय के 13 महीना के सत्र म ए बार 249 महिला आरक्षक अउ 46 पुरूष आरक्षक ल प्रशिक्षण दे गीस। दीक्षांत समारोह म सत्र के सबसे बढ़िया प्रशिक्षणार्थी के रूप म कोरबा के सुश्री शिवानी सिंह ल, रायपुर के श्री सुनील सिंह रघुवंशी ल सत्र के दूसर सबसे बढ़िया प्रशिक्षणार्थी के रूप म अउ धमतरी के सुश्री करूणा वर्मा ल बेस्ट फायरर के रूप म पुरस्कृत करे गीस। राजनांदगांव के सुश्री यशोदा साहू ल श्रेष्ठ परेड कमांडर के रूप म पुरस्कार प्रदान करे गीस।
एखर संगें-संग प्रशिक्षण के विषय म पहिली स्थान पाए 18 प्रशिक्षणार्थी मन ल घलोक पुरस्कृत करे गीस। एमां सुश्री कामिनी ध्रुव, मेरी मारग्रेट कुजूर, सुशांति खलखो, सुनील सिंह रघुवंशी, रीना करंगा, चन्द्रकला, धनेश्वरी साहू, सुनीता साहू, सुनील सिंह रघुवंशी, विश्वरंजन पण्डा, सोम कुमार उइके, अरूण पोयाम, पुष्पलता पैकरा, संजीता केरकेट्टा, ललिता सलाम, शिवानी सिंह सामिल हावय। शिवानी सिंह ल दू विषय म पहिली पुरस्कार मिलीस, जेमा दोरली (गोंडी) बोली अउ छत्तीसगढ़ के शहीद विसय सामिल हावय। दीक्षांत परेड म पुलिस प्रशिक्षण विद्यालय माना के पुलिस अधीक्षक श्रीमती राजश्री मिश्रा, उप पुलिस अधीक्षक श्री जीएस बाम्बरा, प्रशिक्षक (सीडीआई) श्री भगतसिंह तोमर संग कई अधिकारी उपस्थित रहिन।

295 constables participate in Convocation parade of Police Training College


Convocation Parade was held at the Mana-based Police Training College in which 295 constables participated today. Additional Director General of Police Mr. Sanjay Pillai took salute of the Convocation parade. The batch consisted of 249 women jawans and 46 male candidates. The training period was of 13 months duration. Best Cadet Award was bagged by Ms. Shivani Singh, and second award went to Raipur's Mr. Sunil Singh Raghuwanshi. Best Parade Commander award was bagged by Rajnandgaon's Ms. Yashoda Sahu . Superintendent of Police of Police Training College Mana and several top police officials were also present at the Convocation Parade.
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment