सेवा निकेतन म मनाए गीस 35वां दीक्षांत दिवस

कृषि मंत्री श्री अग्रवाल हर बाटिंन प्रशिक्षण पाए 44 दिव्यांग लइका मन ल प्रमाण पत्र अउ समान







रायपुर, 01 मई 2017। कृषि मंत्री श्री बृजमोहन अग्रवाल हर राजधानी रायपुर के नजदीक सेरीखेड़ी म संचालित सेवा निकेतन म आयोजित 35वां दीक्षांत दिवस म एक साल के व्यवसायिक प्रशिक्षण पूरा कर डरे 44 दिव्यांग लइका मन ल प्रमाण पत्र अउ ऊंखर व्यवसाय ले संबंधित जरूरी समान बांटिन। सेवा निकेतन पाछू 36 बरिस ले सरलग संचालित होवत हे, जिहां अस्थिबाधित अउ मूक-बधिर बच्चा मन ल आर्थिक रूप से स्वावलंबी बनाए खातिर एक साल तक कई ठन व्यवसाय मन के प्रशिक्षण दे जाथे। धरसींवा विधायक अउ छत्तीसगढ़ पाठ्यपुस्तक निगम के अध्यक्ष श्री देवजी भाई पटेल ए कार्यक्रम म विशेष रूप ले उपस्थित रहिन।
कृषि मंत्री श्री अग्रवाल हर प्रशिक्षण प्राप्त कर उरे दिव्यांग बच्चा मन ल 30 कम्प्यूटर संग सिलाई मशीन, वेल्डिंग मशीन अउ इलेक्ट्रॉनिक औजार मन के किट वितरित करिन। एमां ले 28 कम्प्यूटर समाज कल्याण विभाग कोति ले दे गीस। एखर अलावा जिंदल स्टील, एच.पी. गैस अउ इंडियन ऑयल के तरफ ले घलोक बच्चा मन ल कम्प्यूटर प्रदान करे गीस। कृषि मंत्री श्री अग्रवाल हर ए अवसर म सेवा निकेतन के काम म न ल ल प्रेरणादायक बतात कहिन कि दिव्यांग बच्चा मन ल आर्थिक रूप ले सक्षम बनाए के पुण्य के काम ए संस्था ह करत हे। उमन कहिन कि मैं बहुत पहिली ले ए संस्था ले जुड़े हंव। ये संस्था पूरा निष्ठा के संग सेवा के काम म लगे हे। श्री अग्रवाल हर कहिन कि प्रतिभा के मामला म दिव्यांग लइका मन सामान्य लइका ले कम नइ होवंय, ओ मन ल उचित मार्गदर्शन अउ सहयोग दे के जरूरत हे। छत्तीसगढ़ म बहुत अकन अइसन संस्था हावंय, जऊन अइसन विशेष जरूरत वाले बच्चा मन ल प्रशिक्षण देके उंखर आत्मविश्वास बढ़ाए म मदद करत हें।
विधायक श्री देवजी भाई पटेल हर घलोक संस्था के सेवाभावी काम मन के सराहना करत कहिन कि इहां दिव्यांग बच्चा मन ल आत्मनिर्भर बनाए बर प्रशिक्षण दे जात हावय। श्री पटेल हर प्रशिक्षण प्राप्त करे जम्‍मो बच्चा मन ल बधाई अउर शुभकामना दीन। समाज कल्याण विभाग के संचालक डॉ. संजय अलंग हर कहिन कि दिव्यांग बच्चा मन के हित म अइसन संस्था के मदद ह दिव्‍यांग लइका मन के आघू बढ़े म सहयोगी होथे अउ प्रतिभा के विकास आसान हो जाथे। ए प्रकार के संस्था ल लम्बा समय तक सफलता के संग संचालित करना उल्लेखनीय हावय। सेवा निकेतन हर अपन काम ले दिव्यांग बच्चा मन के सेवा के क्षेत्र म एक अलग पहिचान बनाय हे।
सेवा निकेतन के संचालक फादर सिरिआक हर ए अवसर म बताइस कि संस्था ल राज्य शासन के समाज कल्याण विभाग ले अनुदान मिलत हावय। ये संस्था 36 बरिस ले काम करत हावय। संस्था ले बच्चा मन के प्रशिक्षण अउ पुनर्वास के काम करे जात हावय। इहां ले अभी तक 2000 ले जादा दिव्यांग लइका कई ठन रोजगारमूलक व्यवसाय मन के प्रशिक्षण ले डरे हवंय। ये बेरा म सेवा निकेतन के उपाध्यक्ष फादर सेबास्टियन संग संस्था के सदस्य उपस्थित रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment