अभी तक 86 हजार ले जादा युवा मन ल मिलीस रोजगार

राज्य के 3.40 लाख ले जादा युवा मन ल रोजगार बर बनाए गीस हुनरमंद : कौशल विकास के मिलीस निःशुल्क प्रशिक्षण

रायपुर, 12 मई 2017। राज्य सरकार कोति ले छत्तीसगढ़ के युवा मन ल स्वरोजगार ले जोड़े खातिर बहुत अकन अइसन योजना संचालित करे जात हवय, जेकर लाभ उठाके प्रदेश के कई ठन जिला मन म कम पढ़े-लिखे युवा मन घलोक आत्मनिर्भर होए लगे हावंय। मुख्यमंत्री कौशल विकास योजना के अन्तर्गत युवा मन ल कौशल प्रशिक्षण के संग ओ मन ल ओखर अभिरूचि अउ स्थानीय बाजार मांग के अनुसार हुनरमंद बनाए जात हे। एखर संगें-संग ऊंखर खातिर करजा अउ अनुदान योजना घलोक चलत हावय। तकनीकी शिक्षा, कौशल उन्नयन अउ रोजगार विभाग के अधिकारी मन हर आज इहां बताइन कि अंदाजन साढ़े तीन साल पहिली शुरू करे गए मुख्यमंत्री कौशल विकास योजना के तहत राज्य म अब तक 3 लाख 7 हजार 912 युवा मन ल कई ठन विभाग मन के तरफ ले प्रशिक्षण देहे जा चुके हे। अइसनहे जम्‍मो 27 जिला मन म संचालित आजीविका (लाइवलीहुड) कॉलेज मन म अंदाजन 33 हजार युवा मन ल कई ठन व्यवसाय के अल्प अवधि के पाठयक्रम मन म प्रशिक्षित करे गए हे । ए प्रकार से अंदाजन तीन लाख 40 हजार 912 युवा मन ल रोजगारमूलक प्रशिक्षण देहे गए हावय। उन्‍हें एमां ले 86 हजार ले जादा युवा मन ल रोजगार अउ स्वरोजगार मिले हावय। लाइवलीहुड कॉलेज मन म निःशुल्क आवासीय प्रशिक्षण के घलोक सुविधा देहे जात हे। वित्तीय साल 2017-18 म 27 हजार प्रशिक्षाणार्थी मन ल प्रशिक्षण देहे के लक्ष्य हावय। पांचवीमन-आठवीं पढ़े युवा घलोक ए योजना मन म प्रशिक्षण लेके हुनरमंद बन सकत हावंय।
तकनीकी शिक्षा अउ कौशल विकास मंत्री श्री प्रेमप्रकाश पाण्डेय के निर्देश म अभी हालेच म राज्य स्तर म अउ जिला स्तर म संचालित कौशल प्रशिक्षण के समय आकस्मिक निरीक्षण करके कौशल प्रशिक्षण के गुणवत्ता म वृद्धि अउ रोजगारपरक प्रशिक्षण बर अधिकारी मन से राजनांदगांव म पांच संस्था, बेमेतरा म तीन संस्था, अउ बलौदाबाजार म तीन संस्था संचालित करे जात हे। कौशल प्रशिक्षण के आकस्मिक निरीक्षण करे गीस जेमां राजनांदगांव के दू निजी संस्था (ग्रेस अउर अपेक्स) म प्रशिक्षणार्थी मन के उपस्थिति कम होए के कारण ऊंखर प्रशिक्षण के समयावधि ल बढ़ाए बर निर्देश दे गीस। बेमेतरा म दू निजी संस्था (नैनो प्रोडक्शन अउर सर्व एजुकेशन बेमेतरा) म संचालित बैच ल निरस्त करे गीस अउ बलौदाबाजार अशासकीय आई.टी.आई. कमलकांत शुक्ला म प्रशिक्षणार्थी मन के अनुपस्थित के कारण पांच बैच निरस्त करे के कार्रवाई शुरू करे गीस।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment