खैरागढ़ के राजा देवव्रत सिंह के बिहाव

खैरागढ़, खैरागढ़ के राजा अऊ पूर्व सांसद देवव्रत सिंह ह सनिच्‍चर के दिन प्रतापगढ़ राज के अन्तू राज परिवार के विभा सिंह के संग दुबारा बिहाव करिस हे। दिल्ली के गाजियाबाद मैरिज कोर्ट म होए ये बिहाव के बाद खैरागढ़ राजपरिवार म उछाह-मंगल छाए हे। आप मन जानतेच होहू कि खैरागढ़ राजपरिवार के राजा अउ अखिल भारतीय कांग्रेस कमेटी के प्रवक्ता देवव्रत सिंह के बिहाव रानी पदमादेवी सिंह के संग होए रहिस हे। दुनों के बीच आपस म अनबन होए के सेती देवव्रत ह आपसी सहमति के आधार म जुलाई महिना म दूनों ल तलाक मिल गए रहिस। तलाक के समय राजा ह रानी पदमादेवी सिंह ल 11 करोड़ रुपए देहे रहिस।
खबर हवय के तलाक के बाद राजा देवव्रत सिंह लखनऊ मं मीडिया जगत ले जुड़े प्रतापगढ़ राज परिवार के बेटी विभा सिंह के संग सनिच्‍चर को बिहाव करे हे। प्रतापगढ़ के अन्तू राज परिवार ह राजनैतिक रूप ले काफी प्रभावशाली माने जाथे। विभा सिंह ह लखनऊ मं मीडिया कंपनी के संचालन करथे। ये बारे म मीडिया ह जब राजा मेर पूछिस त उंखर कहना हे कि परिवार मन मन लेहे के बाद जइसे परिवार चाहिस वइसनेहे हम फैसला लेहे हावन। विभा संग मोर व्यक्तिगत जान-पहिचान हवय। खबर येहू हवय के दूनों के बिहाव जून मं होही अउ बिहाव के पार्टी खैरागढ़ म होही एखर तैयारी शुरू कर देहे गए हे। रियासत ल नवा रानी मिले से परिवार ह खुस हे, अवईया महीना राजा देवव्रत सिंह के जन्मदिन घलव हे आघू महिना ये दूनों कार्यक्रम म देश के कई बड़का नेता अऊ राजपरिवार के लोगन के इहां आए के संभावना हे।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment