रमशीला साहू दिल्‍ली म आयोजित सम्मेलन म भाग लेहीं

रायपुर, 29 मई 2017। महिला अउ बाल विकास मंत्री श्रीमती रमशीला साहू काल महिला सशक्तिकरण उपर नयी दिल्ली म आयोजित एक दिवसीय सम्मेलन म भाग लेंहीं। दिल्ली महिला आयोग ह महिला मन के सुरक्षा अउ सशक्तिकरण उपर एक दिन के सम्मेलन नयी दिल्ली स्थित होटल इंपीरियल म मंगलवार 30 मई के दिन करत हे। सम्मेलन के उद्देश्य महिला मन के सशक्तिकरण आंदोलन ल आगू बढ़ाए, लिंग आधारित हिंसा ल रोके के संगें-संग महिला मन के आर्थिक सुरक्षा ल बढ़ाए के अभी हाल के उदीम मन ल सजोर करना हे।
सम्मेलन म हरेक राज्य सरकार ले महिला मन के सुरक्षा अउ सशक्तिकरण बर करे गए सबले बढ़िया पहल अउ चुनौती मन उपर प्रकाश डाले जाही।
श्रीमती साहू 31 मई को केन्द्रीय इस्पात मंत्री चौधरी वीरेन्द्र सिंह अउ सामाजिक न्याय मंत्री थावर चंद गहलौत ले सौजन्य मुलाकात करहीं। श्रीमती साहू 31 मई को रायपुर लहुट आहीं।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment