मुख्यमंत्री करिन रायपुर अऊ बलौदा बाजार-भाटापारा जिला के समीक्षा


  • रायपुर जिला के ‘‘पारदर्शी आरटीई‘‘ के मॉडल ल मुख्यमंत्री ह सराहिस

  • कहिस दूसर जिला घलोक करव अनुकरन

  • स्मार्ट सिटी के संग स्मार्ट केपिटल घलोक बनय रायपुर : मुख्यमंत्री डॉ. सिंह

  • लोक सुराज मं बने नवा राशनकार्ड मन मं अवइया महिना ले राशन देहे के मुख्यमंत्री हर दीस निर्देश

  • शतप्रतिशत परिवार तीर होवय स्मार्ट कार्ड अउ स्कूली बच्चा मन तिर जाति-निवास प्रमाण पत्र

  • रायपुर कलेक्टोरेट मं एक कम्पोजिट बिल्डिंग अऊ बड़े कॉन्फ्रेंस हाल निर्माण के मिलीस मंजूरी

  • मुख्यमंत्री हर रायपुर अउ बलौदा बाजार-भाटापारा जिला के विकास कार्य के समीक्षा करिन





रायपुर, 20 मई 2017। लोक सुराज अभियान-2017 के समापन दिवस म मुख्यमंत्री डॉ. रमन सिंह हर आज इहां कलेक्टोरेट परिसर के रेडक्रास सभाकक्ष मं रायपुर अऊ बलौदा बाजार-भाटापारा जिला के अधिकारी मन के संयुक्त बैठक लेके जिला मन मं चलत विकास कार्य मन के समीक्षा करिन। मुख्यमंत्री हर शिक्षा के अधिकार अधिनियम के तहत रायपुर जिला मं ए सत्र ले चालू करे गए ‘‘पारदर्शी आरटीई‘‘ मॉडल के सराहना करत कहिन कि एला प्रदेश के दूसर जिला मन घलोक अपनावंय ताकि गरीब परिवार के बच्चा मन ल एकर भरपूर लाभ मिल सकय। डॉ. सिंह हर लोक सुराज अभियान मं दुनों जिला मं विभागवार प्राप्त आवेदन मन के समीक्षा करत कहिन कि ए अभियान के समय मुख्यमंत्री खाद्यान्न सुरक्षा योजना के तहत हजारों के संख्या मं नवा राशनकार्ड जारी करे गए हे संगें-संग लोगन के नाम जोड़े गए हे। ए सबो हितग्राहि मन ल पात्रतानुसार अवइया महिना ले राशन मिलय ये सुनिश्चित करे जाए। ए अवसर म छत्तीसगढ़ विधानसभा के अध्यक्ष श्री गौरीशंकर अग्रवाल, रायपुर लोकसभा के सांसद श्री रमेश बैस, कृषि अउ जल संसाधन मंत्री श्री बृजमोहन अग्रवाल, लोक निर्माण मंत्री श्री राजेश मूणत, जांजगीर-चांपा लोकसभा सांसद श्रीमती कमला देवी पाटले, मुख्यसचिव श्री विवेक ढांड, अपर मुख्य सचिव अउर रायपुर जिला के प्रभारी सचिव श्री अजय सिंह उपस्थित रहिन।


जब तक गैस कनेक्शन नइ मिल जाय तब तक दे जाय माटीतेल

डॉ. सिंह हर प्रधानमंत्री उज्जवला योजना के समीक्षा करत कहिन कि जब तक हितग्राहि मन ल गैस चूल्हा अउ कनेक्शन नइ मिल जाय तब तक ओ मन ल माटी तेल देहे जाय। प्रधानमंत्री आवास योजना के समीक्षा करत मुख्यमंत्री हर बताइन कि सर्वे मं प्रदेश मं 11 लाख कुटुंब आवासहीन पाए गए हे। येमां 6.23 लाख प्रधानमंत्री आवास के स्वीकृति मिल गए हे। केन्द्र सरकार कोति ले एला 10 लाख करे के अनुरोध करे गए हे। मुख्यमंत्री हर कहिन कि जऊन लोगन ल आवास स्वीकृत करे गए हे ओ मन ल पहिली किश्त के राशि मिल जाय। मुख्यमंत्री हर कहिन कि रायपुर शहर मं झुग्गी-झौपड़ि मन के सर्वे करके ओखर जनसंख्या के अनुपात मं आवास स्वीकृत करे जाय। अइसनहे ग्रामीण क्षेत्र मन मं अइसन मनखे जेखर नाम 2011 के सर्वे सूची मं नइ हे ओखर नाम ग्राम सभा ले अनुमोदन करा ले जाय ताकि केन्द्र से अनुमति मिलने के बाद ओ मन ल एकर लाभ मिल सकय।


हर कुटुंब तीर होवय स्वास्थ्य बीमा के स्मार्ट कार्ड

डॉ. सिंह हर राष्ट्रीय स्वास्थ्य बीमा अऊ मुख्यमंत्री स्वास्थ्य बीमा योजना के समीक्षा करत कहिन कि छत्तीसगढ़ सरकार ह आगामी जुलाई महिना ले स्वास्थ्य बीमा के राशि ल 30 हजार ले बढ़ाके 50 हजार करे देहे हे। अइसनहे राष्ट्रीय स्वास्थ्य बीमा मं केन्द्र सरकार के कुटुंब के बुजुर्ग मनखे ल 30 हजार रूपए के उपरहा लाभ दे जाही। मुख्यमंत्री हर कहिन कि जुलाई महिना मं विशेष शिविर मन के आयोजन करके छूटे लोगन के स्मार्ट कार्ड बनाय जाय ताकि ओ मन ल एकर लाभ मिल सकय। मुख्यमंत्री हर कहिन कि नवा शिक्षा सत्र चालू हो गए हे, अभियान चलाके सब्बो स्कूली बच्चा मन ल स्थायी जाति अउ निवास प्रमाण पत्र बनाकर दे जाय ताकि ओ मन ल एखर खतिर भटकना मत परे।


स्मार्ट सिटी के संग स्मार्ट केपिटल घलोक बनय रायपुर

मुख्यमंत्री हर कहिन कि प्रदेश के राजधानी रायपुर स्मार्ट सिटी के संग स्मार्ट केपिटल के रूप मं तेजी से विकसित होवत हे। राजधानी साफ अऊ स्वच्छ रहय एखर खातिर विशेष इंतजाम सुनिश्चित करे जाय। उमन राजधानी मं पेयजल व्यवस्था बर इंटीग्रेटेड एक्शन प्लान अउ शहर के नाला मन ले निकलइया पानी के ट्रीटमेंट बर क्षेत्र के जनप्रतिनिधि मन अऊ विभागीय अधिकारी मन ल बइठके ठोस कार्ययोजना बनाके ओमा अमल करे ल कहिन। मुख्यमंत्री हर राजधानी के कलेक्टर परिसर मं एक बड़का कॉफ्रेस हॉल अउ कार्यालय मन बर एक कंपोजिट बिल्डिंग बनाए के मंजूरी घलोक ए अवसर म प्रदान करिन।


पारदर्शी आरटीई ले 50 प्रतिशत सीट के होइस बढोतरी

रायपुर कलेक्टर श्री ओ.पी.चौधरी हर बताइस कि पारदर्शी आरटीई ले निजी स्कूल मन के प्रवेश सीट मं 50 प्रतिशत अउ आवेदन मन मं 118 प्रतिशत के वृद्धि करे गए हे। शहर के बड़े-बड़े निजी स्कूल मन के प्रवेश कक्षा मन मं निरधारित 25 प्रतिशत सीट मन मं गरीब बच्चा मन के दाखिला सुनिश्चित होय हे। जिला खनिज निधि ले शहर के 100 स्कूल अउ 50 आंगनबाड़ी मन ल स्मार्ट स्कूल अउ आंगनबाड़ी के रूप मं विकसित करे जात हे। प्रदूषण ल कम करे चलाए जात विशेष अभियान ले येमा काफी कमी आए हे। शहर के हृदय स्थल म ऑक्सीजोन अउ एनआईटी अऊ सेन्ट्रल लाइब्रेरी के बीच आक्सी रीडिंग जोन बनाय जात हे। ए सत्र म जिला के लोगन ल 10 लाख मुनगा पेड़ के वितरण करे जात हे। वृक्षारोपण अभियान मं ए साल 25 हजार पौधा केवल पीपल के लगाए जाही। भू-जल स्तर ल बढ़ाए बर स्मार्ट सिटी के सबो कार्यालय संग आवासीय कालोनी, औद्योगिक ईकाई मन मं वाटर हार्वेस्टिग सिसटम बनाए जात हे।


मुख्यमंत्री हर बलौदा बाजार-भाटापारा जिला ल 2 अकटूबर तक ओडीएफ जिला बनाए ल कहिन

मुख्यमंत्री हर स्वच्छ भारत अभियान के समीक्षा करत बलौदाबाजार भाटापारा जिला ल अवइया 2 अकटूबर तक खुले मं शौच मुक्‍त जिला बनाए ल कहिन। उमन दीनदयाल उपाध्याय ग्राम ज्योति योजना के तहत स्वीकृत काम ल दिसंबर महिना तक पूरा करे के निर्देश दीन। उमन कहिन कि एखर बाद जिला के कोनो मजरा-टोला अउ घर विद्युतविहीन नइ रहय। बलौदाबाजार जिला के कलेक्टर डॉ.बसवराजू एस. हर जिला मं लोक सुराज अभियान के समय आए आवेदन मन के समाधान सहित संचालित विकास कार्य के बारे मं जानकारी दीन। मुख्यमंत्री हर जिला मं मनरेगा के तहत करे काम, बनाय गए नवा राशनकार्ड अउ कौशल योजना के तहत संचालित प्रशिक्षण कार्यक्रम मन के सराहना करिन।
बैठक मे लोकनिर्माण विभाग के सचिव श्री सुबोध सिंह, जनसंपर्क विभाग के सचिव श्री संतोष मिश्रा, सचिव नगरीय प्रशासन डॉ. रोहित यादव, रायपुर संभाग के आयुक्त श्री ब्रजेश चंद्र मिश्र, पुलिस महानिरीक्षक श्री प्रदीप गुप्ता, मुख्यमंत्री के संयुक्त सचिव श्री रजत कुमार संग संभागीय व दुनों जिला के अधिकारी उपस्थित रहिन।





Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment