छत्तीसगढ़ मं देश के सबले कीमती चूना पत्थर खदान के सफल ऑनलाईन नीलामी

राज्य सरकार ल मिलही ग्यारह हजार करोड़ ले जादा के राजस्व
मुख्यमंत्री डॉ. रमन सिंह हर खनिज साधन विभाग के अधिकारी-कर्मचारी मन ल दीन बधाई







रायपुर, 02 मई 2017। राज्य सरकार ल गौण खनिज मन के खदान के ऑनलाईन नीलामी मं आज एक अऊ ऐतिहासिक सफलता मिलीस। रायपुर जिला के अंतर्गत तिल्दा तहसील त्र मं केसला (क्रमांक-2) स्थित सीमेंट ग्रेड के चूना पत्थर खदान के ऑनलाईन नीलामी होइस। ये देश के सबसे जादा कीमती चूना पत्थर हे। एखर नीलामी ले राज्य शासन ल ग्यारह हजार करोड़ ले घलोक जादा राजस्व मिलही। एमएसटीसी पोर्टल मं ऑनलाईन या ई-नीलामी प्रक्रिया के तहत 21 प्रतिशत फ्लोर प्राईज म फारवर्ड ऑक्शन एक मई के दिन 11 बजे शुरू होइस अऊ आज दो मई को 10.57 बजे तक मने करीब 23 घण्टे तक चलिस।
येमां 600 ले घलोक जादा बोली कई कम्पनी मन से लगाइन। मेसर्स डालमिया सीमेंट, भारत लिमिटेड ह सबले जादा बोली 96.15 प्रतिशत के लगाईस, जऊन ल निरधारित रिजर्व प्राईज के 20 गुना माने गीस। ये तीसर ऑनलाईन नीलामी हे, जऊन ल खनिज साधन विभाग के कमान संभालत मुख्यमंत्री डॉ. रमन सिंह के नेतृत्व मं सम्पूर्ण पारदर्शिता के संग पूरा करे गीस। ए नीलामी के संग छत्तीसगढ़ हर देश मं अब तक चूना पत्थर ब्लॉक (खदान) के होए नीलामी मं राजस्थान ल घलोक पीछू छोड़ दीस। मुख्यमंत्री डॉ. रमन सिंह हर आज के सफल अऊ ऐतिहासिक ई-नीलामी बर खनिज साधन विभाग के जम्‍मो अधिकारी अऊ कर्मचारी मन ल बधाई दीन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment