मैनपाट के पहाड़ी वादी मं मुख्यमंत्री के चौपाल

गांव वाले मन के मांग म पुल संग 24 किलोमीटर सड़क तुरंते मंजूर
ग्राम पंचायत पैगा मं सीसी रोड बर आठ लाख रूपया स्वीकृत





रायपुर, 02 मई 2017। मुख्यमंत्री डॉ. रमन सिंह प्रदेश व्यापी लोक सुराज अभियान के तहत आज हेलीकॉप्टर ले अचानक सरगुजा जिला के मैनपाट विकासखंड के पहाड़ी वादी म स्थित ग्राम पैगा पहुंचिन। उमन उहां साल पेंड मन के छांव मं चौपाल लगाके गांव वाले मन तिर गोठ-बात करिन। स्कूल के लइका, जवान अऊ सियान मन ल मुख्यमंत्री के सहज-सरल आत्मीय गोठ ह दिल जीत लीस।
डॉ. रमन सिंह हर गांव वाले मन के मांग म पैगा ले परपटिया होत नानदमाली तक 24 किलोमीटर सड़क निर्माण अऊ ओमा मछली नदी मं पुल निर्माण के स्वीकृति तुरन्ते प्रदान कर दीन। ए रद्दा के बन जाय म पैगा ले जिला मुख्यालय अम्बिकापुर के अभी हाल के 75 किलोमीटर के दूरी घटके 40 किलोमीटर रहि जाही। मुख्यमंत्री हर ग्राम पंचायत पैगा मं सीमेंट कांक्रीट सड़क निर्माण बर आठ लाख रूपए तुरंते मंजूर करे के घोषणा करिन। उमन अधिकारी मन ल पैगा के सेन्टरपारा मं बिजली लाइन विस्तार बर खंभा जल्दी लगवाए के निर्देश दीन।
चौपाल मं मुख्यमंत्री हर पैगा मिडिल स्कूल के बच्चा मन से 17 अऊ 18 के पहाड़ा पूछिन। उमन स्कूल के गुरूजी मन ल पढ़ई के गुणवत्ता के विशेष रूप ले ध्यान रखे के निर्देश दीन। मुख्यमंत्री हर ग्राम पंचायत पैगा के सरपंच श्रीमती देवरतिया अऊ उहां के पंच मन ले कहिन कि प्रधानमंत्री आवास योजना के तहत जादा ले जादा गरीब परिवार ल पक्का मकान देवाए बर पंचायत के स्तर म पहल करे जाय। अइसनहे प्रधानमंत्री उज्ज्वला योजना के तहत ग्राम पंचायत के सब्बो गांव मन मं जरूरतमंद परिवार ल रसोई गैस कनेक्शन देवाए बर घलोक जादा ले जादा प्रकरण तैयार करे जाए। ए अवसर म मैनपाट क्षेत्र के तिब्बती शरणार्थि मन के तरफ ले मुख्यमंत्री ल भगवान बुद्ध के प्रतिमा भेंट करे गीस।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment