मुख्यमंत्री अचानक पहुंचिन उड़ीसा करार के गांव अमाड़


  • चौपाल म तेल नदी म 34 करोड़ के व्यपवर्तन सिंचाई योजना तुरन्ते मंजूर

  • कम वोल्टेज के समस्या ले मुक्ति बर जल्द होही 124 के.व्ही. लाईन विस्तार

  • प्रधानमंत्री आवास योजना म 40 परिवार मन ल पक्का मकान के सौगात

  • गांव के गली मन म घूमके मुख्यमंत्री हर दू परिवारों के बनत मकान ल देखिन


रायपुर, 15 मई 2017। मुख्यमंत्री डॉ. रमन सिंह प्रदेश व्यापी लोक सुराज अभियान के तहत आज गरियाबंद जिला के ग्राम आमाड़ (विकासखंड देवभोग) अचानक पहंचिन। एखर बाद उमन उत्तर बस्तर (कांकेर) जिला के ग्राम दरगहन (विकासखंड चारामा) के समाधान शिविर के घलोक आकस्मिक दौरा करिन।
उमन देवभोग विकासखंड म ओड़िशा के सीमावर्ती ग्राम आमाड़ म बर के छांव म चौपाल लगाके गांव वाले मन से उंखर जरूरत मन के बारे म विचार-विमर्श करिन। डॉ. सिंह हर तेलनदी म 34 करोड़ रूपए के लागत ले प्रस्तावित सिंचाई व्यपवर्तन योजना ल तुरन्ते मंजूर करे के घोषणा करिन। उमन अमाड़ म आंगनबाड़ी भवन, स्कूल भवन संग गांव वाले मन के पेयजल सुविधा बर पांच हैण्डपंप तुरन्ते मंजूर कर दीन। एखर अलावा उमन अधिकारी मन से कहिन कि तीन नलकूप म सौर ऊर्जा आधारित पंप लगवाके पेयजल के व्यवस्था करे जाय। डॉ. रमन सिंह हर गांव म बिजली के कम वोल्टेज के समस्या ल दूर करे बर 124 के.व्ही. क्षमता के लाईन विस्तार जल्दी करवाए, प्रधानमंत्री आवास योजना के तहत 40 परिवार ल पक्का मकान स्वीकृत करे, गांव म बैंक सुविधा जल्द शुरू करे अउ स्कूल ले लेके नरोदा के घर तक 150 मीटर सीमेंट कांक्रीट सड़क (सी.से.रोड) स्वीकृत करे के घलोक ऐलान करिन। चौपाल के पहिली डॉ. सिंह हर गांव के गली के पैदल भ्रमण करिन अउ उहां प्रधानमंत्री आवास योजना के तहत दू हितग्राहि मन के निर्माणाधीन पक्का मकान ल घलोक देखिन। अपन पांच लइका मन के संग एक कच्चा मकान म र‍हत श्रीमती प्रमिला डिगरे ल प्रधानमंत्री आवास योजना के तहत पक्का मकान मंजूर करे गए हे, एखर खातिर उमन मुख्यमंत्री ल धन्यवाद दीन। गांव वाले मन हर तिलक लगाके मुख्यमंत्री के स्वागत करिन।
डॉ. सिंह हर ए मकान तीर रेत के ढेरी म खेलत ऊंखर लइका मन तिर बातचीत करत करत बाल सुलभ हंसी-मजाक घलोक करिन। मुख्यमंत्री ह एखर बाद 65 वर्षीय श्रीमती पुनेबाई यादव के निर्माणाधीन पक्का मकान ल घलोक देखे गीन। श्रीमती यादव ल घलोक ये वाले मकान प्रधानमंत्री आवास योजना के तहत स्वीकृत होय हावय। श्रीमती यादव अभी हाल म अपन दू बेटा मन के संग कच्चा मकान म रहत रहिस हे। श्रीमती यादव हर घलोक सरकार के तरफ ले पक्का मकान स्वीकृत होए म मुख्यमंत्री के प्रति आभार प्रकट करिन। ए बीच डॉ. रमन सिंह के मुलाकत श्रीमती फूलमती भागीरथी से होइस। उमन मुख्यमंत्री ल अपन पारिवारिक समस्या बताइन। ये घलोक बताइन कि ऊंखर पति के निधन हो गए हे अउ ओ मन अपन तीन लइका मन के संग एक कच्चा मकान म रहिथें। मुख्यमंत्री हर कलेक्टर ल श्रीमती फूलमती भागीरथी बर घलोक प्रधानमंत्री आवास योजना के तहत पक्‍का मकान स्वीकृत करवाए के निर्देश दीन।

Chief Minister makes surprise visit to border village Amaad : Raman Singh sanctions Rs 34 crore diversion irrigation project on Thel river



  • Low-voltage power supply issue to be solved soon

  • 40 families will be allocated houses

  • Observes two under-construction houses, visits several localities


Chief Minister Dr. Raman Singh today made surprise visit to village Amaad Development block Devbhog district Gariyabandh as a part of 'Lok Suraaj' mission. He also made surprise visit to village Dhargahan Development block Charama in district North Bastar (Kanker). He conducted 'choupal' at village Amaadh in development block Devbhogh located on the Orissa border. He elicited opinions of the villagers gathered at the 'choupal' regarding the basic amenities available at the village.

Dr. Raman Singh sanctioned a diversion irrigation project on Thel river at a cost of Rs 34 crore on the requests of the villagers. He sanctioned Anganwadi building , school building and five hand-pumps for drinking water purposes at village Amaadh. Chief Minister instructed the officials to install solar energy-based pumps to solve the drinking water shortage. He directed the officials to extend 124 k.v. capacity electricity line to resolve the persistent low-voltage issue at the village, allocate 40 houses to poor under the Prime Minister Housing Project, start banking facility at the village soon and a cement concrete road at Amaadh.
Chief Minister went on 'padyatra' in the various localities and observed for himself the two houses being built under the Prime Minister Housing Project. One of the beneficiaries Mrs. Prameela Digre is living in 'kuchha' house along with five of her children. She thanked the Chief Minister for sanctioning a 'pucca' house for a poor woman like her. The villagers welcomed Dr. Raman Singh by applying 'tilak ' on his forehead.
Dr. Raman Singh spoke to her kids who were playing in the vicinity. He went to observe the house of 65-year-old Mrs. Punebai Yadav also. It was also sanctioned under the Prime Minister Housing Project. Mrs. Yadav is at present living in a 'kuchha' house along with her children. She expressed her gratitude to Chief Minister. A widow Mrs. Phoolmati Bhagirathi also met Chief Minister and requested him to sanction a house. Dr. Raman Singh immediately instructed the Collector to sanction a house to her.
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment