कृषि मंत्री ह समाधान शिविर म करिस बहुत अकन समस्या मन के समाधान

शिविर मं अनुपस्थित दस विभाग मन के अधिकारी मन ल नोटिस जारी करे के निर्देश






रायपुर, 15 मई 2017। कृषि मंत्री श्री बृजमोहन अग्रवाल हर लोक सुराज अभियान के तहत आज सप्रे शाला परिसर मं आयोजित समाधान शिविर मं आम जनता के बहुत अकन समस्या मन के समाधान करिस। उमन समाधान शिविर मं जनता के आवेदन उपर कई ठन विभाग मन कोति ले करे गए निराकरण के जानकारी दीन। उमन उहां लगाए गए स्टाल मन के अवलोकन झालव करिन। श्री अग्रवाल हर दस विभाग के अधिकारी मन के अनुपस्थिति ल गंभीरता ले लेवत जिला प्रशासन ल कारण बताओ नोटिस जारी करे के निर्देश दीन। कृषि मंत्री श्री अग्रवाल हर रायपुर शहर मं पेयजल के समुचित उपलब्धता सुनिश्चित करे बर सब्बो पानी टंठी मन ल क्षमता अनुसार भरे अउ पाईप लाईन विस्तार के निर्देश दीन। कंकालीपारा वार्ड के पार्षद ह कंकालीपारा के टंकी मं पूरा पानी भरे के मांग करत वृहद पेयजल के व्यवस्था करे के आग्रह करिस। श्री अग्रवाल हर मौकेच म अधिकारी मन ल सात दिन मं पेयजल व्यवस्था दुरूस्त करे के निर्देश दीन।
भिनसरहा नल आए के समय बिजली के आपूर्ति आज ले चालू रहिही, फेर टुल्लू पम्पों उपर निगाह रखे बर वार्ड मन मं निरीक्षण होही। शिविर मं बहुत अकन मनखे मन भिनसरहा नल आए के समय बिजली बंद होए के शिकायत करिन। एमा श्री अग्रवाल हर विद्युत मंडल के अधिकारी मन ल मंचे म बुलाके काल 16 मई ले भिनसरहा नल आए के समय बिजली चालू रखे के निर्देश दीन।





Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment