रमन सरकार हर उद्योग मन ल दीस राहत

ऊर्जा प्रभार म प्रति यूनिट 1.40 रूपिया के छूट देहे के निर्णय






रायपुर 23 मई 2017। मुख्यमंत्री डॉ. रमन सिंह के अध्यक्षता म आज इहां मंत्रालय (महानदी भवन) म आयोजित मंत्रिपरिषद के बैठक म प्रदेश के उद्योग मन ल बड़का राहत देहे के निर्णय ले गए हे। ऊर्जा विभाग के अधिकारी मन ह बताइन कि ए महत्वपूर्ण निर्णय के अनुसार पाछू साल के जइसे छत्तीसगढ़ स्टेट पॉवर डिस्ट्रीब्यूशन कम्पनी लिमिटेड ले बिजली के सप्लाई करइया एचव्ही-4 संवर्ग के उपभोक्ता मन ल ऊर्जा प्रभार म एक रूपिया 40 पइसा प्रति यूनिट के छूट 1 अपरेल 2017 ले 30 सितमबर 2017 तक दे जाही। ए राहत पैकेज के तहत राज्य शासन ले उद्योग मन ल अंदाजन 282 करोड़ रूपिया के सबसिडी दे जाही। मंत्रिपरिषद हर आज के बैठक म 1 अपरेल 2017 ले 30 सितमबर 2017 तक के बेरा म उद्योग मन ल विद्युत शुल्क म घलोक बड़ राहत देहे के निर्णय ले हावय। एखर अंतर्गत मिनी स्टील प्लांट, स्टील उद्योग राईस/दाल मिल आदि ल विद्युत शुल्क म 3 प्रतिशत के राहत मिलही। राज्य के स्टील उद्योग मन से स्थापित केप्टिव पॉवर प्लांट के ऑक्जलरी खपत अउ उत्पादित बिजली के खुद के इकाई मन म उपयोग करे म घलोक विद्युत शुल्क म बड़ राहत देहे गए हे। एखर अलावा अइसे बड़े स्टील उद्योग, जेकर वार्षिक क्षमता 2 मिलियन टन ले जादा हावय अउ अपन के केप्टिव पॉवर प्लांट ले उत्पादित बिजली के उपयोग करत हें, ओ मन ल घलोक 3 प्रतिशत के राहत देहे गए हावय।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment