तन-मन ल स्वस्थ्य बनाए रखे बर खेल जरूरी: श्री अग्रवाल





बेसबाल प्रीमियर लीग के उद्घाटन



रायपुर, 28 मई 2017। नगरीय प्रशासन अऊ उद्योग मंत्री श्री अमर अग्रवाल हर आज बिलासपुर मं बेसबाल प्रीमियर लिग के उदघाटन करिस। ए प्रतियोगिता के आयोजन बिलासपुर बेसबास क्लब कोति ले 27 मई ले 01 जून 2017 तक करे जात हे। नगरीय प्रशासन मंत्री श्री अमर अग्रवाल हर ए अवसर म कहिन कि खेल प्रतियोगिता मन के बिलासपुर मं सरलग आयोजन होना चाही। प्रतियोगिता मन के आयोजन ले लइेका मन मं खेल मन बर उत्साह बने रहिथे। उमन कहिन कि तन-मन ल स्वस्थ्य बनाए रखे बर खेल जरूरी हे। स्कूल मन मं पढ़ई के संग खेल के होना जरूरी हे। ए प्रतियोगिता मं 6 टीम भाग लेवत हे। बेसबाल लीग के उद्देश्य बेसबाल ल बढ़ावा देना हे। प्रतियोगिता मं पहिली पुरूस्कार 31 हजार, दूसर 21 हजार, तीसर पुरूस्कार 15 हजार अउ चौथा 10 हजार रूपया के रखे गए हे। प्लेयर ऑफ द टूर्नामेन्ट ल 5100 रूपया अउ बेस्ट केचर, पिचर, हीटर ल 3100 रूपया देहे जाही। सब्बो टीम मन मं 14 खिलाड़ी अउ एक कोच अउ एक मैनेजर हे। ए टूर्नामेन्ट म सब्बो खिलाड़ी जूनियर लेबल के हे। ए अवसर म बेसबाल क्लब बिलासपुर के पदाधिकारी अऊ बड़ संख्या मं खेल प्रेमी उपस्थित रहिन।








Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment