बीएसपी के एनओसी के चक्‍कर म नइ रूकय अब काम

[responsivevoice_button voice="Hindi Female" buttontext="ये खबर ला सुनव"]





रायपुर, 31 मई 2017। छत्तीसगढ़ के महिला अउ बाल विकास मंत्री श्रीमती रमशिला साहू हर आज नई दिल्ली मं केन्द्रीय इस्पात मंत्री श्री चौधरी वीरेन्द्र सिंह ले मुलाकात करिस। उमन भिलाई इस्पात संयंत्र के कई ठन विकास कार्य मन म के प्रस्ताव मन म उंखर ध्यान आकर्षित करिन।
श्रीमती साहू हर बताइस कि भिलाई इस्पात संयंत्र के अंतर्गत रिसाली जोन एक श्रमिक बाहुल जोन हे, ए क्षेत्र मं जनता के मांग ले समय - समय म विधायक निधि अउ आन शासकीय मद मन ले राशि स्वीकृति करे जाथे, फेर भिलाई इस्पात संयंत्र के क्षेत्र होए के कारन, ए संबंध मं भिलाई इस्पात ले निर्माण बर अनापत्ति प्रमाण पत्र नइ मिलय, जेखर कारण ए क्षेत्र के विकास ले संबंधित जमो काम लंबित हे। केन्द्रीय मंत्री हर एला गंभीरता से लेत विभागीय अधिकारी मन ल ए संबंध मं जरूरी निर्देश दीन।
श्रीमती साहू हर कहिन कि भिलाई औद्योगिक क्षेत्र के तीर-तखार म बड़ अकन श्रमिक निवास करथें। कर्मचारी राज्य बीमा योजना के अंतर्गत अस्पताल स्वीकृत हे, फेर जमीन के अभाव मं अस्पताल के निर्माण नइ हो पावत हे। उमन केन्द्रीय मंत्री ले आग्रह करिन कि भिलाई इस्पात संयंत्र क्षेत्र मं 2 एकड़ जमीन आरक्षित करके अस्पताल निर्माण बर अनापत्ति प्रमाण पत्र प्रदान करे जाए।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment