अब छत्‍तीसगढि़या बनही विद्या मितान


  • मंत्रिपरिषद के बैठक: माई निरनय





रायपुर 23 मई 2017। मुख्यमंत्री डॉ. रमन सिंह के अध्यक्षता म आज इहां मंत्रालय (महानदी भवन) म मंत्रिपरिषद के बैठक होइस जेमां कई ठन निरनय लेहे गईस, जऊन ए प्रकार हे-


प्रदेश म 15 प्रजाति मन के लकड़ी मन ल ट्रांजिट पास ले छूट
छत्तीसगढ़ अभिवहन (वनोपज) नियम 2001 म संशोधन - मंत्रीपरिषद ह छत्तीसगढ़ अभिवहन (वनोपज) नियम 2001 म संशोधन करे के निर्णय लेहे हावय। एखर तहत 15 आन-आन प्रजाति मन के लकड़ी मन के परिवहन बर अब अभिवहन पास के जरूरत नइ होवय। एमां सिरिस, रिमझा, रबर, शंकुधारी प्रजातिया (पाईन प्रजाती मनल छोड़के), आस्ट्रेलियन बबूल, केसिया साइमिया, बकैन, ग्लेरिसीडिया, खमेर, कदम, सिस्सू, कपोक, महारूख अउ सिल्वर ओक सामिल हावय। एखर अलावा सात जिला मन म सरगुजा, जशपुर, जांजगीर-चांपा, कोरबा, धमतरी, कवर्धा अउ महासमुंद म बांस ल घलोक अभिवहन पास (ट्रांजिट पास) ले छूट दे जाही।

शक्कर के कीमत म बढ़ोतरी नइ करे जाय
भारत सरकार कोति ले राष्ट्रीय खाद्य सुरक्षा अधिनियम 2013 के अंतर्गत शक्कर बर मिले सबसिडी ल अन्त्योदय परिवार मन बर बढ़ाके जम्‍मो राशन कार्डधारी परिवार (58,24,676 परिवार) ल एक किलोग्राम हर महिना हर राशनकार्ड देहे निर्णय ले गए हे।

प्रदेश के 3120 बसाहट मन म दीनदयाल उपाध्याय ग्राम ज्योति योजना
राज्य के अइसन 3120 बसाहट जऊन अभी हाल म विद्युतिकरण बर संचालित केन्द्र सरकार अउ राज्य शासन के योजना मन म सामिल नइ हे, ओमां दीनदयाल उपाध्याय ग्राम ज्योति योजना के मापदण्ड के अनुसार विद्युतीकरण के निर्णय ले गए हे। एमा अंदाजन 190 करोड़ रूपया खरचा करे जाही।

सामान्य भविष्य निधि म ब्याज दर के निर्धारण
राज्य भविष्य निधि म देय ब्याज दर के निर्धारण- मंत्रिपरिषद कोति ले राज्य के सामान्य भविष्य निधि अउ अंशदायी भविष्य निधि म 1.04.2017 ले 30.06.2017 तक के समय बर ब्याज दर 7.9 प्रतिशत रखे के निर्णय ले गए हे।

माननीय मंत्री अउ संसदीय सचिव मन के स्वेच्छा अनुदान के राशि म बढ़ोतरी
माननीय मंत्री मन के स्वेच्छा अनुदान राशि एक करोड़ रूपया ले बढ़ाके 1.50 करोड़ रूपया, राज्य मंत्री मन के स्वेच्छा अनुदान राशि 80 लाख रूपिया ले बढ़ाके एक करोड़ अउ संसदीय सचिव मन के स्वेच्छा अनुदान राशि 50 लाख ले बढाके 70 लाख रूपया करे के निर्णय लेहे गए हे।

तीन राजस्व संभाग मन के आदिवासी बहुल इलाका मन म छत्तीसगढ़ निवासी विद्या मितान मन के सेवा लेहे के निर्णय
लोक सुराज अभियान के समय जिलेवार समीक्षा के बेरा ये जानकारी मिलिस कि रायपुर, दुर्ग अउ बिलासपुर के अधिसूचित अनुसूचित जनजाति के विकासखण्ड अउ ए संभाग मन के सामान्य विकासखण्ड के अधिसूचित माडा पाकेट क्षे़त्र मन के हाईस्कूल अउ हायर सेकेण्डरी स्कूल मन म अंगरेजी, गणित, वाणिज्य अउ विज्ञान समूह के व्यख्याता मन के 1882 पद खाली हावय, जऊन कुल पद के लगभग 40 प्रतिशत हावय। ए क्षेत्र मन म स्थित विकासखण्ड अउ माडा पाकेट क्षेत्र मन म अंगरेजी, गणित, वाणिज्य अउ विज्ञान समूह के विसय विशेषज्ञ शिक्षक मन के कमी ल देखत, ए स्कूल मन म घलोक बस्तर अउ सरगुजा संभाग जइसे प्लेसमेंट एजेंसी के माध्यम ले विद्या मितान मन के रूप म छत्तीसगढ़ के निवासी मन के सेवा लेहे के निर्णय आज मंत्रिपरिषद के बैठक म ले गीस।







Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment