कांग्रेसी मन ल मंत्री के समर्थक मन शहर म दउड़ा-दउड़ा के पीटिन






भिलाई 04, अप्रैल 2017। मंत्री प्रेम प्रकाश पाण्डेय के पुतला फूंकइ ल देख के ऊंखर समर्थक मन गुसिया गंए अउ प्रदर्शन करइया मन उपर पहिली पथराव करिन, फेर दउड़ा-दउड़ा के छरत ले पीटिन। प्रदर्शन करईया मन अपन गाड़ी मन ल छोड़ के भागिन त पाण्डेय समर्थक मन ह उंखर गाड़ीच उपर गुस्सा उतारिन।
युवक कांग्रेसी मन केबिनेट मंत्री के निवास के आघू पुतला दहन करइया हें ये जानकारी म तालपुरी चौक म पुलिस सकला गए रहिंन। मंझनिया 12.20 बजे के बाद युवक कांग्रेसी बंटी केशव हरमुख अपन समर्थक मन के संग पेट्रोल पंप कोति ले पैदल पुतला लेके एमडी चौक कोति बढि़स। मंत्री के खिलाफ नारेबाजी करत युवक कांग्रेसी चौक के तीर पहुंचिन।
इही समें अड़बड़ झन मंत्री के समर्थक मन कार मन से उंहा पहुंच गए ओ मन उतरिन अऊ पुतला फूंके आवत युवक कांग्रेसी मन कोति बढि़न। कांग्रेसी मन हर इमन ल अपन कोति आत देख के लउहे पुतरा ल बार दीन, पुतरा धू-धू बरे लगिस। येला देखके मंत्री समर्थक मन भड़क गंय अऊ पथरा उठा-उठा के युवक कांग्रेसी मन कोति फेंकना शुरू कर दीन। कोहा-पथरा आवत देख के प्रदर्शनकारी मन एती-तेती भाग गंए। पुतरा बर गए।
तालपुर चौक पहुंचे नगर निगम के नेता प्रतिपक्ष रिकेश सेन हर पुलिस अधिकारी मन उपर भड़क गें। उमन कहिन कि पुलिस के मौजूदगी मं आखिर कइसे मंत्री के पुतला दहन कर दिए गीस।
पत्रिका छत्‍तीसगढ़ ह कांग्रेसी मन के बयान के वीडियो यू-ट्यूब में जारी करे हे तउन ल तनि देख-सुन लव




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment