मोदी सरकार के तीन साल पूरा: राजधानी विकास प्रदर्शनी के आयोजन






रायपुर, 27 मई 2017। केन्द्रीय खेल अऊ युवा कल्याण राज्य मंत्री श्री विजय गोयल ह आज राजधानी रायपुर के इंडोर स्टेडियम परिसर मं प्रधानमंत्री श्री नरेन्द्र मोदी के नेतृत्व मं केन्द्र सरकार के पहिली तीन साल पूरा होए म आयोजित विकास प्रदर्शनी के उद्घाटन करिस। प्रदर्शनी के आयोजन इंडोर स्टेडियम परिसर मं करे गीस। मुख्यमंत्री डॉ. रमन सिंह संग कृषि मंत्री श्री बृजमोहन अग्रवाल, स्कूल शिक्षा अऊ आदिम जाति विकास मंत्री श्री केदार कश्यप, श्रम मंत्री श्री भईयालाल राजवाड़े, वन मंत्री श्री महेश गागड़ा, खाद्य मंत्री श्री पुन्नूलाल मोहले, लोक निर्माण मंत्री श्री राजेश मूणत, महिला अऊ विकास मंत्री श्रीमती रमशिला साहू, लोकसभा सांसद श्री रमेश बैस राज्यसभा सांसद श्री रामविचार नेताम घलोक उपस्थित रहिन। प्रदर्शनी ल देखे जनता मन के भीड़ उमड़ परिस।
प्रदर्शनी के उद्घाटन के बाद अतिथि मन हर प्रदर्शनी के अवलोकन घलोक करिन। प्रदर्शनी मं 42 स्टाल लागाए गए हे। स्टाल मन मं प्रधानमंत्री श्री नरेन्द्र मोदी के फ्लैगशिप योजना मन के उपलब्धि मन ल प्रदर्शित करे गए हे। मुख्यमंत्री हर दीनदयाल अंत्योदय योजना, राष्ट्रीय शहरी आजीविका मिशन के स्टाल मं श्री रामचंडी महिला स्व-सहायता समूह रायगढ़ के काउंटर मं जाके कोसा ले बने जकेट अऊ कुर्ता देखिन। उमन पसन्द आए म एक जेकेट पहिन के तको देखिन अऊ ओला बिसाइन।
मुख्यमंत्री अउ केन्द्रीय मंत्री के स्टाल म पहुंचे ले स्व-सहायता समूह के अध्यक्ष श्रीमती नीलिमा प्रधान हर उंखर स्वागत करिस। केन्द्रीय मंत्री हर प्रगति महिला स्व-सहायता समूह कोण्डागांव के स्टाल ले ढोकरा शिल्प ले बने नंदी के कलाकृति खरीदिस। समूह के श्रीमती प्रेमवती सागर हर अपन स्टाल म केन्द्रीय मंत्री अऊ मुख्यमंत्री के पहुंचे म उंखर स्वागत करिस। प्रदर्शनी मं कई नगर निगम, उद्योग, ऊर्जा, स्वास्थ्य, प्रधानमंत्री उज्ज्वला योजना, छत्तीसगढ़ पर्यटन मंडल, छत्तीसगढ़ गृह निर्माण मंडल, खेल अउ युवा कल्याण विभाग, पंचायत अउ ग्रामीण विकास विभाग, जलसंसाधन, लोक स्वास्थ्य यांत्रिकी, वन अऊ स्कूल शिक्षा के संग कइ विभाग मन के स्टाल लगाए गए हे। स्टाल मन मं प्रधानमंत्री आवास योजना, प्रधानमंत्री कृषि सिंचाई योजना, प्रधानमंत्री फसल बीमा योजना, मृदा परीक्षण, स्वच्छता मिशन, डिजिटल इंडिया, स्किल इंडिया, मेक ए इंडिया, स्टार्ट अप इंडिया, स्टैंडअप इंडिया, बेटी बचाओ, बेटी पढ़ाओ, सुकन्या योजना, जनधन योजना, प्रधानमंत्री मुद्रा योजना आदि कइ योजना मन ल प्रदर्शित करे गए हे।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment