सबके सहयोग ले लोक सुराज ल मिलीस ऐतिहासिक सफलता : डॉ. रमन सिंह


  • अंदाजन तीन महिना तक चले अभियान मं सहयोग बर मुख्यमंत्री हर जनता ल दीन धन्यवाद

  • अभियान मं आये 28.54 लाख आवेदन मं ले 93 प्रतिशत के होइस निराकरण





रायपुर, 20 मई 2017। मुख्यमंत्री डॉ. रमन सिंह हर राज्य व्यापी लोक सुराज अभियान ल सफल बनाए अऊ ओखर शांतिपूर्ण अउ सुचारू संचालन मं मिले सहयोग बर प्रदेशवासी मन के आभार प्रकट करिन। उमन कहिन कि ये सही मं आम जनताच के अभियान आए अऊ एखर कामयाबी के पूरा श्रेय आम जनता ल हे। डॉ. सिंह हर अभियान के सफलता बर प्रदेशवासी मन ल बधाई दीन। उमन कहिन कि ‘सबके साथ-सबके विकास’ के भावना के जइसे सबके सहयोग ले लोक सुराज अभियान ल ऐतिहासिक सफलता मिले हे।
उमन कहिन - ए पइत ये अभियान तीन चरण मं आयोजित करे गीस, तीनों चरण मन ल मिलाके जउन ह 84 दिन तक चलिस। गर्मि मं राज्य शासन के साल 2005 ले हर साल आयोजित अब तक के ‘सुराज’ अभियान मन मं ये वाले सबले लम्बा अभियान रहिस। मोटा तौर म एला हम करीब-करीब तीन महिना लम्बा अभियान घलोक कहि सकत हन। ए पइत के अभियान 2016 घंटा तक सरलग चलिस। अभियान के आज औपचारिक रूप ले समापन हो गीस।
मुख्यमंत्री हर कहिन - ए बार के अभियान ल समाधान उपर विशेष रूप ले केन्द्रित करे गीस। उमन कहिन - भीषण गर्मी के बाव घलव समाधान शिविर मन मं भारी संख्या मं आम जनता अऊ जनप्रतिनिधि मन के उपस्थिति अभियान मं जनभागीदारी के सबले बड़े उदाहरण हे।
डॉ. सिंह हर अभियान ल सफल बनाए मं मंत्री, विधायक, सांसद, पंच-सरपंच, जिला अऊ जनपद पंचायत के पदाधिकारी अऊ सदस्य मन, नगरीय निकाय के पदाधिकारी अऊ पार्षद, राज्य सरकार के सबो विभाग के राज्य, जिला, विकासखंड, शहर अऊ ग्राम स्तर के जमो अधिकारी अउ कर्मचारी मन ल घलोक धन्यवाद दीन। मुख्यमंत्री हर अभियान के व्यापक प्रचार-प्रसार मं मिले सहयोग बर प्रिंट मीडिया अऊ इलेक्ट्रॉनिक मीडिया के पत्रकार मन के घलोक आभार प्रकट करिन।
डॉ. रमन सिंह हर कहिन - प्रदेश के विकास यात्रा के पाछू तेरा बरस के अनुभव के समावेश करइया ये सबले बड़े लोक अभियान रहिस। एकर पहली चरण 26 फरवरी ले 28 फरवरी तक आयोजित करे गीस, जेमां ग्रामीण अऊ शहरी क्षेत्र मं शिविर लगाके लोगन मन के आवेदन लिए गीस। एखर बाद दूसर चरण मं अंदाजन एक महिना तक संबंधित विभाग मन से ए आवेदन मन के निराकरण के कार्रवाई करे गीस।
उमन बताइन - तीसर चरण तीन अपरेल ले आज 20 मई तक चलिस, जेमां ग्रामीण अऊ शहरी क्षेत्र मं 2000 से जादा समाधान शिविर लगाके लोगन ल ऊंखर आवेदन मन के निराकरण के बारे मं बताए गीस। अभियान मं कुल 28 लाख 54 हजार 360 आवेदन मिले हे। जेमां ग्रामीण क्षेत्र के 25 लाख 86 हजार 569 आवेदन अऊ शहरी क्षेत्र के दू लाख 59 हजार 594 आवेदन सामिल हे, जबकि 8197 आवेदन ऑन लाइन मिले हे। मुख्यमंत्री हर बताइस कि मिले आवेदन पत्र मं ले 26 लाख 55 हजार 833 आवेदन मन के निराकरण कर देहे गए हे। ए प्रकार से अंदाजन 93 प्रतिशत आवेदन मन के निराकरण करे जा चुके हे। सबो आवेदन मन ल कम्प्यूटर मं दर्ज करके ऑन लाइन मॉनिटरिंग करत ओखर समुचित निराकरण करे गए हे।
आप मन जानतेच होहू कि तीसर चरण मं मुख्यमंत्री डॉ. रमन सिंह हर 3 अपरेल ले आज 20 मई तक प्रदेश के सघन दौरा करे हे। आज समापन दिवस म ओ मन रायपुर जिला के अभनपुर के समाधान शिविर मं सामिल होइन अऊ रायपुर कलेक्टोरेट मं समीक्षा बैठक लीन। सम्पूर्ण अभियान के समय मुख्यमंत्री 16 गांव मं अचानक पहुंचिन अऊ चौपाल मं ग्रामीण मन से मुलाकात करिन। डॉ. सिंह 22 स्थान मन म आयोजित समाधान शिविर मन मं सामिल होइन अऊ 19 जिला मुख्यालय मन मं बैठक लेके सबो 27 जिला के समीक्षा करिन।
मुख्यमंत्री हर सम्पूर्ण अभियान मं अंदाजन 10 हजार किलोमीटर के क्षेत्रफल के तूफानी दौरा करिन। उमन 21 जिला मुख्यालय मन मं रात्रि विश्राम करिन अऊ ओ दौरान स्थानीय नागरिक, जनप्रतिनिधि मन अऊ कई ठन प्रतिनिधि मंडल मन से मुलाकात करिन। सम्पूर्ण अभियान मं 185 संगठन अऊ अंदाजन 1300 जनप्रतिनिधि मन हर उमन से मिलके कई ठन विषय मन म विचार-विमर्श करिन। अभियान के सुचारू संचालन बर पहिली चरण मं 26 फरवरी ले 28 फरवरी तक आवेदन लेहे बर 10 हजार 971 ग्राम पंचायत मन मं कई विभाग मन के 10 हजार 496 अधिकारी अऊ कर्मचारी मन ल नोडल अधिकारी बनाये गीस। ए दौरान 169 नगरीय निकाय मन मं वार्ड स्तर म आवेदन लेहे बर 688 नोडल अधिकारी बनाये गए रहिस। ग्रामीण अऊ शहरी क्षेत्र मन ल मिलाके कुल 2299 शिविर मन मं आवेदन लेहे के व्यवस्था करे गीस अऊ समाधान पेटी घलोक रखे गीस।
मुख्यमंत्री हर ए बार के लोक सुराज अभियान मं 187 घोषणा करिन अऊ कई प्रकरण मन मं 243 निर्देश जारी करिन। ए घोषणा अऊ निर्देश मन मं से 145 म अमल पूरा हो चुके हे, जबकि 285 प्रकरण मन मं कार्रवाई चलत हे, जल्द से जल्द पूरा कर ले जाही। मुख्यमंत्री हर बताइस कि सम्पूर्ण अभियान मं प्रदेश के कइ जिला मन मं 13 हजार 887 परिवार के नवा राशन कार्ड बनवाये गीस, जेमा एक लाख 97 हजार सदस्य सामिल हें, उमन ल सार्वजनिक वितरण प्रणाली के तहत सस्ता अनाज मिलही।
डॉ. सिंह हर कहिन कि कोरबा जिला मं डीएमएफ के राशि ले बनत एजुकेशन सिटी के नामकरण पंडित दीनदयाल उपाध्याय के नाम म अऊ दुर्ग जिला के ग्राम सांकरा (विकासखंड-पाटन) मं 41 हेक्टेयर के वन प्रक्षेत्र के नामकरण पूर्व केन्द्रीय वन अउ पर्यावरण राज्य मंत्री श्री स्वर्गीय श्री अनिल माधव दवे के नाम म करे जाही। सिहावा मं ग्रामीण बैंक के ग्राहक सेवा केन्द्र के शुरूआत कर देहे गए हे। मनरेगा मजदूर मन बर टिफिन बॉक्स दे के योजना शुरू करे के निर्णय घलोक ए बार के लोक सुराज अभियान मं ले गीस।
मुख्यमंत्री हर कहिन -अभियान के समय गांव मन मं अवैध शराब के रोकथाम बर कोचिया बंदी के सरकारी निर्णय के अच्छे परिणाम देखे गीस। अंदाजन 98 प्रतिशत गांव मन मं अब शांति पूर्ण वातावरण हे। प्रदेश सरकार के नवा शराब नीति के कारन सड़क हादसा के संख्या मं 27 प्रतिशत तक गिरावट आए हे। संस्थागत प्रसव मं उत्साहजनक वृद्धि देखे गए हे।








Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment