डोंगरगढ़ मंदिर परिसर अग्नि दुर्घटना म दुःख व्यक्त करिन मुख्‍यमंत्री






रायपुर, 23 मई 2017। मुख्यमंत्री डॉ. रमन सिंह हर छत्तीसगढ़ के प्रसिद्ध तीर्थ डोंगरगढ़ के बम्लेश्वरी मंदिर परिसर म होए अग्नि दुर्घटना म एक महिला दुकानदार के मृत्यु उपर गहरा दुःख व्यक्त करिन। उमन आज इहां जारी शोक संदेश म दिवंगत महिला के कुटुंब के प्रति अपन संवेदना प्रकट करे हावंय। डॉ. सिंह हर ए अग्नि दुर्घटना म 14 दुकान मन के क्षतिग्रस्त होए म घलोक अफसोस जताए हावंय। डॉ. सिंह हर राजनांदगाव जिला प्रशासन के अधिकारी मन ल निर्देश दे हावंय कि दिवंगत महिला के कुटुंब ल अउ पीड़ित दुकानदार मन ल नियमानुसार समुचित मुआवजा देहे जाय। डॉ. सिंह हर मंदिर परिसर म अग्नि दुर्घटना ले बचाव बर घलोक अधिकारी मन ल जरूरी उपाय करे के निर्देश दे हावंय। आप मन जानतेच होहू कि काल मंझनिया मंदिर परिसर के क्षीरपानी रद्दा म रोपवे के तरी के दुकान मन म अचानक आग लग गे रहिस। बताथें कि एक महिला के दुकान म रखे गैस सिलेण्डर के अचानक फूटे म ये हादसा होइस। येमां महिला दुकानदार के मृत्यु हो गीस अउ 14 दुकान मन ल नुकसान पहुंचिस।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment