बोरवंद म अपन सहिनाव मेर मिलिस रमन

नारायणपुर, लोक सुराज के दौरा म निकले मुख्यमंत्री डाॅ. रमन सिंह आज ओ समय चकरित खा गें जब ऊंखर ले मिले एक अऊ रमन आ गे। पहिली तो चकरित खाए मुख्यमंत्री वो रमन मेर बात करत रहिन फेर रमन अऊ ओकर संगी मन संग मिलके जमके हंसी मजाक करिन।
मुख्यमंत्री डॅा. रमन सिंह संग लोक सुराज के दौरा म अइसनहे कई किस्सा होय हे जऊन यादगार बन गए हे। अइसनहेच एक किस्सा आज लोकसुराज के समय नारायणपुर के बोरवंद म होइस। मुख्यमंत्री अपन टीम के संग नारायणपुर के बोरवंद पहुंचिन त उहां के स्कूल मं लइका मन मेर मिले ल चल दीन। स्कूल के जम्मो लइका मुख्यमंत्री के स्वागत करिन। उही समय एक लइका गुलदस्ता लेके मुख्यमंत्री ले मिले आइस, मुख्यमंत्री हर ओ लइका मेर ओखर नाम पूछिस, त ओ हर बताइस 'रमन'। अतका सुनतेच मुख्यमंत्री पहिली तो चकित होइन फेर ठहाका लगाके हांस परिन। पूरा स्कूल मुख्यमंत्री के संग मुस्काय लागिन। अड़बड़ बेरा तक उमन अपन सहिनाव संग अऊ आन लइका मन संग बात करिन।
आप मन जानतेच होहू कि एखर ले पहिली अंबिकापुर दौरा म एक लइका हर डॅा. रमन सिंह के आघू मुख्यमंत्री बने के सौंऊख बताइस, उन्हें राजनांदगांव मं एक लइका हर अपन नाम जब गोविंदा बताइस तब मुख्यमंत्री हांस परे रहिस।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment