मुख्यमंत्री हर अचानक पहुंचके तेन्दूपत्ता मजदूर मन से करिन मुलाकात

संग्रहण केन्द्र के करिस निरीक्षण : समाधान शिविर मं घलोक होइन सामिल
किसान मन से गर्मी मं धान के खेती नइ करे के करिन अपील
हाईस्कूल के दर्जा बढ़ाके हायरसेकेण्डरी करे के घोषणा
विकासखंड के बीस मजरा-टोला मन मं 15 अगस्त तक बिजली पहुंचाए के ऐलान







रायपुर, 02 मई 2017। लोक सुराज अभियान के तहत मुख्यमंत्री डॉ. रमन सिंह हर आज मंझनिया रायगढ़ जिला के ग्राम लिंजिर (विकासखंड बरमकेला) मं अचानक पहुंचके तेन्दूपत्ता मजदूर मन से मुलाकात करिन अऊ उहां चलत संग्रहण कार्य के निरीक्षण करिन। डॉ. सिंह लिंजिर मं आयोजित समाधान शिविर मं घलोक सामिल होइन। शिविर स्थल ले कुछेक दूरिहा म प्राथमिक वनोपज सहकारी समिति के तेन्दूपत्ता संग्रहण केन्द्र (फड़) हवय, जिहां पहुंचके मुख्यमंत्री हर संग्रहण कार्य मं लगे गांव वाले मन ले पत्ता के गुणवत्ता, ऊंखर पारिश्रमिक आदि के बारे मं बातचीत करिन।
उमन ग्रामवासी मन ल बताइन कि राज्य सरकार हर ए साल पत्ता के संग्रहण दर 1500 रूपए ले बढ़ाके 1800 रूपए प्रतिमानक बोरा तय कर देहे हे। एखर अलावा ओ मन ल प्रोत्साहन पारिश्रमिक बोनस घलोक दे जाही। तेन्दूपत्ता के कारोबार ले समिति ल जतका आमदनी होही, ओखर 80 प्रतिशत हिस्सा संग्राहक मन ल बोनस के रूप मं मिलही। डॉ. सिंह हर ग्राम लिंजिर के समाधान शिविर मं तीर-तार के गांव मन ले आए अड़बड़ झन किसान मन अऊ क्षेत्र के ग्रामवासी मन ल सम्बोधित करिन। मुख्यमंत्री हर गांव वाले मन के मांग म लिंजिर के हाईस्कूल के दर्जा बढ़ाके आघू साल ले ओला हायरसेकेण्डरी स्कूल के रूप मं संचालित करे के घोषणा करिन। डॉ. सिंह हर स्थानीय प्राथमिक स्कूल मं बाउंड्रीवॉल निर्माण अऊ विकासखंड बरमकेला के बिजलीविहीन बीस मजरा-टोला मन मं ए साल पन्द्रह अगस्त (स्वतंत्रता दिवस) तक बिजली पहुंचाए के घोषणा करिन। डॉ. सिंह हर ए गांव मन के विद्युतीकरण बर संबंधित अधिकारी मन ल लउहे काम करे के निर्देश दीन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment