लोक सुराज : मुख्यमंत्री अचानक पहुंचिन रेल मार्ग निर्माण स्थल

दल्लीराजहरा-रावघाट-जगदलपुर रेल परियोजना के प्रथम चरण के काम मन के करिन आकस्मिक निरीक्षण
चौपाल म गांव वाले मन से गोठ-बात के बाद कई विकास कार्य मन ल दीन मंजूरी


रायपुर, 10 मई 2017/ प्रदेश व्यापी लोक सुराज अभियान के तहत मुख्यमंत्री डॉ. रमन सिंह आज हेलीकॉप्टर ले छत्तीसगढ़ के नक्सल प्रभावित कांकेर जिला के ग्राम साल्हे अचानक पहुंचिन। उमन उहां दल्लीराजहरा-रावघाट-जगदलपुर वाले अंदाजन 235 किलोमीटर रेल मार्ग बर प्रथम चरण म चलत निर्माण कार्य के आकस्मिक निरीक्षण करिन। ये गांव भानुप्रतापपुर विकासखण्ड म प्रदेश के ये बहुत महत्वपूर्ण रेल परियोजना के अंतर्गत दल्लीराजहरा ले रावघाट के बीच स्थित हे।
मुख्यमंत्री ह उहां बर के छांव म चौपाल लगाके गांव वाले मन से विचार-विमर्श करिन। उमन गांव वाले मन के आग्रह म सौर सुजला योजना के तहत चार सोलर पम्प मंजूर करिन। संगें-संग चिरही नाला म पुलिया निर्माण, बरपारा म हैंडपम्प के मंजूरी दीन अउ तीर के कच्चे गांव म बैंक शाखा अउ एटीएम स्थापना बर राज्य सरकार कोति ले लउहे पहल करे के आश्वासन दीन। चौपाल म गांव वाले मन से बातचीत करत मुख्यमंत्री ह कहिन - दल्ली राजहरा-रावघाट-जगदलपुर रेल परियोजना छत्तीसगढ़ के बालोद जिला संग बस्तर संभाग के सामाजिक-आर्थिक विकास के जीवन रेखा साबित होही। उमन रेल अधिकारी मन से निर्माण कार्य के प्रगति के बारे में जानकारी लीन, नक्शा ल देखिन, पटरी बिछाए के चलत काम मन घलव निरीक्षण करिन। उमन मजदूर मन तिर तको बातचीत करिन। डॉ. सिंह ह ये बात उपर खुशी जताईन कि ये बछर दिसम्बर तक भानुप्रतापपुर ल ये रेल मार्ग ले जोड़े के लक्ष्य लेके जम्‍मो काम युद्ध स्तर पर करे जात हे। रेल्वे के अधिकारी मन डॉ. सिंह ल बताइन कि परियोजना के प्रथम चरण म दल्लीराजहरा ले रावघाट तक लगभग 135 किलोमीटर तक रेल लाईन बिछाए जावत हे। ये परियोजना के प्रथम चरण म दल्लीराजहरा ले गुदुम तक लगभग 17 किलोमीटर रेल मार्ग के निर्माण हो चुके हे अउ वोमा पैसेंजर ट्रेन घलव चलाए जात हे। गुदुम ले आघू 42 किलोमीटर तक प्रस्तावित रेल लाईन के 60 प्रतिशत काम पूरा हो गए हे। दल्ली राजहरा-रावघाट रेलमार्ग में गुदुम, भानुप्रतापपुर, केवटी, अंतागढ़, तारोकी अउ रावघाट 6 रेलवे स्टेशन होही।
मुख्यमंत्री ल अधिकारी मन ल बताइन - ये रेलमार्ग म भानुप्रतापपुर ले केवटी अउ केवटी ले अंतागढ़ सेक्शन म 500 करोड रूपया के निर्माण कार्य चलत हे। अंतागढ़ ले तारोकी सेक्शन म सर्वे के काम चलत हे। ग्राम साल्हे म रेल मार्ग के निर्माण कार्य निरीक्षण के दौरान मुख्यमंत्री के संग मुख्य सचिव श्री विवेक ढांड, वाणिज्य अउ उद्योग विभाग के सचिव श्री सुबोध कुमार सिंह अउ आन वरिष्ठ संबंधित अधिकारी घ ल व उपस्थित रहिन।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment