गौण खनिज मन के उत्खनन अऊ परिवहन के निगरानी बर लगही सीसीटीवी कैमरा

रायपुर 05 मई 2017। पंचायत अउ ग्रामीण विकास मंत्री श्री अजय चन्द्राकर के अध्यक्षता मं आज इहां मंत्रालय (महानदी भवन) मं गौण खनिज के संबंध मं बैठक आयोजित करे गीस। बैठक मं सरकार अऊ ग्राम पंचायत के गौण खनिज के रायल्टी के वितरण अऊ उपयोग के संबंध मं विस्तार ले चर्चा करे गीस। बैठक मं गौण खनिज के खदान मन से उत्खनन अउ ओखर परिवहन के निगरानी बर खदान क्षेत्र मन मं सीसीटीवी कैमरा लगाय के निर्णय लेहे गीस। श्री चन्द्राकर हर अवैध उत्खनन अउ ओखर परिवहन करइया के विरूद्ध कड़ा कार्रवाई करे के निर्देश दीन। उमन कहिन कि अइसन खदान क्षेत्रों मं पर्यावरण के दिशा मं घलोक ठोस कदम उठाए जाय। उमन अधिकारी मन ल ये घलोक निर्देश दीन के गौण खनिज के खदान मं उत्खनन मशीन ले झन होवय एखर बात के विशेष ध्यान रखे जाय। मशीन के उपयोग करइया के विरूद सख्त कार्रवाई करे जाय।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment