भूपेश बघेल ह मुकेश गुप्ता उपर लगाइस गंभीर आरोप

रायपुर, 14 मई 2017। जमीन घोटाला के आरोप ले घेराए छत्तीसगढ़ प्रदेश कांग्रेस कमेटी के अध्यक्ष भूपेश बघेल हर बड़का पलटवार करत इओडब्लू के कर्ताधर्ता उपर आरोप मढ़े हे। अइसन समय म जब ईओडब्ल्यू हर ऊंखर खिलाफ ज़मीन के गड़बड़ी के एफआईआर दर्ज करे हे। तब भूपेश हर खुद ईओडब्ल्यू के मुखिया के खिलाफ खुलासा करके सनसनी फैला देहे हे। भूपेश हर छत्तीसगढ़ के एंटी करप्शन ब्यूरो अउ इकोनॉमिक ऑफेंस विंग के एडीजी मुकेश गुप्ता उपर गम्भीर आरोप लगाये हे। कांग्रेस प्रदेश अध्यक्ष भूपेश बघेल हर ईओडब्ल्यू के एडीजी मुकेश गुप्ता उपर आरोप लगाए हे कि पद के दुरुपयोग करके खुदे गुप्‍ता ह साडा मं गलत तरीका ले भूखंड खरीदे हे, उमन आरोप लगाए हें कि गुप्‍ता ल भिलाई के नेहरूनगर मं सरकार कोति ले जमीन देहे गीस, ओ मन ल ये भूखंड करीब 75 हज़ार रुपये मं देहे गीस जऊन कि बाज़ार भाव ले अड़बड़ कम हे।
भूपेश ह कहिस कि मध्यप्रेश सरकार हर 8 जून 1998 ले साडा ल बन्द कर दीस जबकि 13 जून 1998 के दिन साडा के एकाउंट मं मुकेश गुप्ता हर चेक जमा करिस, उमन कहिन कि साडा बर जारी चेक ल साडा के बंद होए के पाछू नियमत लेहे नइ जा सकय। भूपेश हर ये खुलासा करिस के उही ज़मीन ल 2006 मं 42 लाख मं बेचे गीस, उमन ए मामला के जांच के मांग करे हे। भूपेश हर कहे हे कि साडा मं गलत तरीका ले भूखंड बिसाये के आरोप मं ओ मन ल तुरंते पद ले हटाए जाना चाही अऊ ऊंखर खिलाफ आर्थिक अपराध के मामला दर्ज करना चाही।

अभी पाछू आठ तारीख के दिन भूपेश ह एक ठन वीडियो म मुख्‍यमंत्री के बेटा अभिषेक सिंह ल जेड प्‍लस सुरक्षा देहे म सवाल उठात एडीजी मुकेश गुप्‍ता उपर निशाना साधे रहिस हे अउ भूपेश ह साफ कहे रहिस कि मुकेश गुप्‍ता जनता के नइ मुख्‍यमंत्री के सेवा में लगे हे।

भूपेश ह आज अपन ट्विटर एकाउंट म लिखे हे
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment