वन मंत्री हर करिस देना बैंक के उदघाटन





प्रधानमंत्री आवास योजना मं 46 हितग्राही मन ल स्वीकृति प्रमाण पत्र अऊ 62 विस्थापित परिवार ल आबादी पट्टा के वितरण


रायपुर, 28 मई 2017। वन मंत्री श्री महेश गागड़ा हर आज बीजापुर जिला के ग्राम पंचायत गंगालूर मं आयोजित कार्यक्रम मं सामुदायिक स्वास्थ्य केन्द्र के बाउण्ड्रीवाल निर्माण के भूमिपूजन करिस। उमन सामुदायिक स्वास्थ्य केन्द्र के निरीक्षण के बाद गंगालूर मं देना बैंक के शाखा के उदघाटन करिन। उमन ए अवसर म प्रधानमंत्री आवास योजना के अंतर्गत 46 हितग्राही मन ल आवास स्वीकृति के प्रमाण पत्र अऊ 62 हितग्राही मन ल आबादी पट्टा के वितरण घलोक करिन। गांव वाले मन के आग्रह म उमन बीजापुर से गंगालूर तक सड़क मार्ग के डामरीकरण के आश्वासन दीन। देना बैंक के शाखा प्रबंधक हर वन मंत्री ल ए अवसर म बताइन कि ए शाखा मं 300 गांव वाला मन के खाता खोले गए हे। श्री गागड़ा हर ए अवसर म आयोजित कार्यक्रम मं गांव वाला मन ल सम्बोधित करत कहिन कि प्रधानमंत्री फसल बीमा योजना के बीमा राशि अऊ तेन्दूपत्ता बोनस के राशि संग कई हितग्राहीमूलक योजना मन मं अनुदान अऊ सामाजिक सुरक्षा पेंशन के राशि सीधा हितग्राही मन के खाता मं जमा करे जात हे। श्री गागड़ा हर राष्ट्रीय ग्रामीण आजीविका मिशन के अंतर्गत महिला स्व-सहायता समूह कल्याण ग्राम संगठन गंगालूर ल सामुदायिक निवेश निधि ले सवा पांच लाख रूपया के राशि के चेक प्रदान करिन। उमन जिला खनिज न्यास के राशि ले किसान मन ल मिनी किट अऊ फेंसिंग प्रमाण पत्र के वितरण करिन। बीजापुर कलेक्टर डॉ. फैयाज तम्बोली हर ए अवसर म अपन विचार प्रकट करिस। जिला पंचायत बीजापुर के सदस्य श्रीमती अमरवती, जनपद पंचायत सदस्य सुश्री करूणा हेमला, सरपंच श्री मंगलराम राणा संग गांव वाला मन ए अवसर म बड़ झन उपस्थित रहिन।








Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment