मुख्यमंत्री के अगुवई म छत्तीसगढ़ के प्रतिनिधि मंडल पहुंचिस सियोल

भारत के राजदूत हर करिस स्वागत : मुख्यमंत्री ह देखिस स्मार्ट सिटी
सेल्युलर मोबाईल कंपनी हर नवा रायपुर मं निर्माण इकाई स्थापित करे के दीस सहमति






रायपुर, 29 मई 2017। मुख्यमंत्री डॉ. रमन सिंह के अगुवई मं आज बिहनिया छत्तीसगढ़ के प्रतिनिधि मण्डल दक्षिण कोरिया के राजधानी सियोल पहुंचिस। छत्तीसगढ़ के प्रतिनिधि मंडल के पहिली दिन अड़बड़ व्‍यस्‍त रहिस। सियोल के इंचिओन विमानतल म दक्षिण कोरिया मं भारत के राजदूत श्री विक्रम दोराईस्वामी ह मुख्यमंत्री के मयारूक स्वागत करिस। भारतीय दूतावास के प्रतिनिधि मन ह मुख्यमंत्री अउ उंखर टीम के संग मुलाकात करके ओ मन ल सियोल के विशेषता अऊ उहां के औद्योगिक अउ व्यावसायिक परिदृश्य के विस्तार ले जानकारी दीन। उमन उहां के औद्योगिक अऊ शहरी अधोसंरचना के विकास अऊ सियोल शहर के विश्वस्तरीय अधोसंरचना के बारे मं बताइन।
छत्तीसगढ़ के प्रतिनिधि मण्डल हर सुंगम स्मार्ट सिटी के भ्रमण करिस। उहां के अधिकारी मन से स्मार्ट सिटी के बारे मं जानकारी लीन। सुंगम स्मार्ट सिटी अऊ छत्तीसगढ़ के नवा रायपुर मं कई समानता देखे ल मिलीस। सुंगम सिटी मं लोगन ल जल्दी अऊ गुणवत्तापूर्ण नागरिक सेवा प्रदान करे मं सूचना प्रौद्योगिकी अऊ डाटा विज्ञान के नवाचार के संग कुशलतापूर्वक उपयोग करे जात हे।
मुख्यमंत्री के नेतृत्व मं छत्तीसगढ़ के प्रतिनिधि मण्डल हर सियोल मं निवेशक मन के संग मुलाकात करिन। प्रतिनिधि मंडल से चर्चा के समय सुंग ह टेलीकॉम कंपनी के प्रतिनिधि मन हर नवा रायपुर मं मोबाईल निर्माण इकाई (मेन्युफेक्चरिंग प्लांट) स्थापित करे बर सैद्धांतिक सहमति प्रदान करिस। सुंग ह टेलीकॉम कंपनी सियोल के सेल्युलर फोन बाजार के सबले बड़े कंपनी हे। ये कंपनी अपन काम के क्षेत्र मं अड़बड़ दक्ष अऊ अनुभवी कंपनी हे। पन्द्रा बछर ले ये कंपनी मोबाईल उत्पादन के क्षेत्र मं काम करत हे। मुख्यमंत्री हर निवेशक मन ल बताइन कि छत्तीसगढ़ तेजी से इलेक्ट्रॉनिक्स वस्तु मन के उत्पादन के प्रमुख केन्द्र (हब) के रूप मं विकसित होवत हे। उमन निवेशक मन ल छत्तीसगढ़ के उद्योग अऊ व्यापार हितैषी नवा उद्योग नीति के बारे मं घलोक जानकारी दीन। निवेशक मन हर नवा रायपुर मं विकसित करे गए विश्व स्तरीय अधोसंरचना के सराहना करिन।
मुख्यमंत्री डॉ. सिंह कल 30 मई के दिन आयोजित निवेशक सम्मेलन मं कोरिया के निवेशक मन ल संबोधित करहीं। ये सम्मेलन सियोल स्थित ‘कोरिया ट्रेड-इनवेस्टमेंट प्रमोशन एजेंसी’ के मुख्यालय मं आयोजित करे गए हे। निवेशक सम्मेलन के बाद मुख्यमंत्री के नेतृत्व मं छत्तीसगढ़ के प्रतिनिधि मंडल उहां के निवेशक मन के संग अलग-अलग मुलाकात करही।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment