लवन शाखा नहर के के मरम्मत बर रूपया मंजूर

रायपुर, 29 मई 2017। राज्य शासन कोति ले बलौदाबाजार-भाटापारा जिला के महानदी परियोजना के अंतर्गत लवन शाखा नहर के पांच वितरक शाखा मन के मरम्मत बर कुल 24 करोड़ 15 लाख रूपया मंजूर करे गए हे। जल संसाधन विभाग ले ए आशय के दू अलग-अलग आदेश इहां मंत्रालय (महानदी भवन) ले जारी करे गए हे। जेमां वितरक शाखा नंबर आठ अउ नौ म लाईनिंग, मिट्टी अउ पक्का संरचना काम बर आठ करोड़ 94 लाख 67 हजार रूपिया अउ वितरक शाखा नंबर दस, ग्यारा अउ बारा के रिमाडलिंग, लाईनिंग अउ पक्का कार्य बर 15 करोड़ 20 लाख 37 हजार रूपिया सामिल हावय। ए वितरक शाखा मन के मरम्मत ले सिंचाई क्षमता 2186 हेक्टेयर क्षेत्र ले बढ़के 5931 हेक्टेयर क्षेत्र हो जाही। जल संसाधन मंत्री श्री बृजमोहन अग्रवाल हर विभागीय अधिकारी मन ल ये काम स्वीकृत राशि के अंतर्गत निरधारित समय सीमा म पूरा करे के निर्देश दे हावय।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment