विवादास्पद तांत्रिक चंद्रास्वामी के निधन







नयी दिल्ली, 23 मई 2017। भारत के एक पूर्व प्रधानमंत्री के करीबी संगवारी अऊ एक प्रधानमंत्री के हत्या मं कथित तौर म संलिप्त विवादास्पद तांत्रिक चंद्रास्वामी के आज मौत हो गीस।
खबर लगे हे कि 66 वर्षीय आध्यात्मिक नेता जगदाचार्य चंद्रास्वामी जी कुछ समय ले बीमार रहिन। ओ मन ल हाले मं मस्तिष्काघात पहुंचे रहिस अऊ बाद मं उंखर कई ठन अंग मन ह काम करना बंद कर दीस। डॉक्टरों मन उंनला बंचाए के अड़बड़ उदीम करिन तेखर बावजूद उंखर स्थिति बिगड़तेच गीस। आज मंझनिया उंखर मौत हो गीस। चंद्रास्वामी के असली नाम नेमीचंद रहिस वोकर प्रसिद्धी ज्योतिषी के रूम म बाढि़स तहां ले वो ह तांत्रिक के रूप म जाने गीस।
लोगन मन के कहना हे कि, प्रधानमंत्री पीवी नरसिम्हा राव के शासन के समय ऊंखर तिर अड़बड़ शक्ति रहिस। ओ मन ल राव के भरोसेमंद सहयोगी अऊ सलाहकार माने जात रहिस। चंद्रास्वामी हर-हमेशा विवाद म रहय, वोकर नाव पूर्व प्रधानमंत्री राजीव गांधी हत्याकांड के जांच म घलव आघू आए रहिस। वोकर उपर वित्तीय अनियमितता के घलोक आरोप लगे रहिस अउ साल 1996 मं ओ मन ल लंदन स्थित एक कारोबारी से जालसाजी के आरोप मं गिरफ्तार तको करे गए रहिस। वो मन विदेशी मुद्रा विनियमन कानून के उल्लंघन करे के आरोप म न के तको सामना करत रहिन।






Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment