राज्य स्तरीय बाढ़ नियंत्रण समिति के बैठक

[responsivevoice_button voice="Hindi Female" buttontext="ये खबर ला सुनव"]





रायपुर, 31 मई 2017। प्रभारी मुख्य सचिव श्री अजय सिंह के अध्यक्षता मं आज इहां मंत्रालय (महानदी भवन) मं बाढ़ अउ नैसर्गिक आपदा मन ले निपटे बर गठित राज्य स्तरीय समिति के बैठक आयोजित करे गीस। श्री सिंह हर सब्बो संबंधित विभाग के अधिकारी मन ल निर्देश दीन कि राज्य मं बाढ़ के सम्भावित स्थल मन के चिन्हांकित कर जम्‍मो जरूरी तैयारी रखव अऊ जिला अऊ जनपद स्तर म बाढ़ कंट्रोल रूम के स्थापना करके व्यापक प्रचार-प्रसार करावव। उमन बैठक मं उपस्थित जल संसाधन, स्वास्थ्य, लोक स्वास्थ्य यांत्रिकी, लोक निर्माण, खाद्य अउ नागरिक आपूर्ति, नगर सेना अऊ नगरीय प्रशासन अउ विकास विभाग के अधिकारी मन ल सम्भावित बाढ़ अउ प्राकृतिक आपदा मन ले निपटे बर जरूरी तैयारी रखे के निर्देश दीन।
बैठक मं प्रभारी मुख्य सचिव हर जल संसाधन विभाग के अधिकारी मन ल बाढ़ नियंत्रण प्रकोष्ठ गठित करे, मैदानी अधिकारी मन ल जलाशय मन मं जल स्तर बढ़े अऊ जल छोड़े म निचला जिला मन अउ सीमावर्ती राज्य मन ल 12 घण्टा पहिली सूचित करे के निर्देश दीन। उमन लोक निर्माण के अधिकारी मन ल क्षतिग्रस्त पुल-पुलिया मन के मरम्मत, जल मग्न होवइया पुल के दुनों तरफ रेडियम साईन बोर्ड लगाके ओमा कंट्रोल रूम के नम्बर अंकित करे के निर्देश दीन। खाद्य विभाग के अधिकारी मन ल बरसात के समय पहुंचविहीन राशन दुकान मन मं चार महिना के खाद्य सामाग्री के अग्रिम भण्डारण करे अऊ स्वास्थ्य विभाग के अधिकारी मन ल बाढ़ के स्थिति मं माहामारी के रोकथाम बर कम्बेट टीम गठित करे, प्राथमिक-सामुदायिक स्वास्थ्य केन्द्र मन मं जादा मात्रा मं जीवन रक्षक दवाई रखे अऊ पहुंचविहीन गांव मन मं आंगनबाड़ी कार्यकर्ता मन ल तीन महिना बर क्लोरिन के गोली अउ ओआरएस पैकेट प्रदाय करे के निर्देश दीन। उमन लोक स्वास्थ्य यांत्रिकी अऊ नगरीय प्रशासन विभाग के अधिकारी मन ल पेयजल स्त्रोत के शुद्धिकरण अऊ पानी टंकी अउ नाली मन के साफ-सफाई के निर्देश दीन।
बैठक मं राजस्व विभाग के प्रमुख सचिव श्रीमती रेणु पिल्ले हर प्रस्तुतिकरण के जरिये प्रदेश मं मानसून आए के पहिली संभावित बाढ़ ले निपटे बर करे गए कार्रवाई के जानकारी दीन। उमन बताइन कि सब्बो जिला मन मं कंट्रोल रूम के स्थापना, बाढ़ प्रभावित क्षेत्र मन के चिन्हांकन, पहुंचविहीन क्षेत्र मन मं राशन अउ आन जरूरी चीज मन के भण्डारण, बाढ़ ले राहत अउ बचाव संबंधित उपकरण मन ल तैयार रखे, शुद्ध पेयजल के व्यवस्था अऊ नाली मन के सफाई कराए बर जिला कलेक्टर मन ल निर्देश देहे गए हे। एखर खातिर जिला मन ल 97 करोड़ रूपया के अनुदान घलोक जारी कर देहे गए हे।
बैठक मं प्रमुख सचिव वन श्री आर.पी. मण्डल, प्रमुख सचिव वित्त श्री अमिताभ जैन, सचिव जल संसाधन श्री गणेश शंकर मिश्रा, सचिव गृह श्री अरूण देव गौतम, सचिव पंचायत अउ ग्रामीण श्री पी.से. मिश्रा, सचिव कृषि श्री अनूप श्रीवास्तव, सचिव ऊर्जा श्री आशीष भट्ट, सचिव आवास अउ पर्यावरण श्री संजय शुक्ला, सचिव लोक स्वास्थ्य यांत्रिकी सुश्री शहला निगार, पुलिस महानिदेशक श्री ए.एन. उपाध्याय, पुलिस महानिदेशक होम गार्ड श्री गिरधारी नायक संग आन वरिष्ठ अधिकारी उपस्थित रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment