रमन सिंह ल नइ मिलस भोपाल मं घर, आवेदन होगे खारिज

छत्तीसगढ़ के मुख्यमंत्री रमन सिंह ह भोपाल मं खुद के घर बिसाए बर सरकार मेरन आवेदन करे रहिस हे। आवास संघ अऊ विधानसभा सचिवालय ह नियम मन के हवाला देवत रमन सिंह अऊ छत्तीसगढ़ से कांग्रेस विधायक सत्यनारायण शर्मा ल चिट्ठी लिखके आवास देहे म अपन असमर्थता जताए हे। रमन सिंह हर भोपाल मं पहिली के अऊ अभी हाल के विधायक मन बर बनत रचना टावर्स मं घर लेहे बर आवेदन करे रहिस हे।
मध्यप्रदेश विधानसभा के प्रमुख सचिव एमपी सिंह हर बताइस कि मध्यप्रदेश आवास संघ हर रमन सिंह ल चिट्ठी लिखके आवास देहे से इंकार कर देहे हे। आवास संघ के मुताबिक रमन सिंह के संगेच छत्तीसगढ़ के कांग्रेस विधायक सत्यानारायण सिंह ल घलव चिट्ठी भेजे गए हे।
आवास संघ के कहना हे कि मध्यप्रदेश के निवासी नइ होए के खातिर रमन सिंह अऊ कांग्रेस विधायक के आवेदन खारिज करे जात हे। उन्‍हें विधानसभा सचिवालय के कहना हे कि आवास आंवटन ल लेके बने नियम मन मं खरा नइ उतरे के कारण आवेदन निरस्त करे के संगें-संग ऊंखर जमा पइसा तको लहुटाए जात हे। आप मन जानतेच होहू कि छत्‍तीसगढ़ के मुख्‍यमंत्री रमन सिंह हर मप्र विधानसभा के सदस्य रहिस हे तेखर सेती उमन घर बर आवेदन करे रहिन हें।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment