गोवंश के रक्षा हम सबके सामाजिक-नैतिक जिम्मेदारी: डॉ. रमन सिंह

मुख्यमंत्री अचानक पहुंचिन सुरभि गौशाला


रायपुर 17 मई 2017। मुख्यमंत्री डॉ. रमन सिंह प्रदेश व्यापी लोक सुराज अभियान के तहत आज विकासखंड धमधा के ग्राम तरकोरी अचानक पहुंचिन। उमन उहां समाज सेवी नागरिक मन के जन सहयोग ले संचालित सुरभि गौ-शाला अउ जीव रक्षा केन्द्र ल घलोक देखिन। उमन एक नान्‍‍हें बछवा ल अपन हाथ ले गुड़ घलो खवाइन। मुख्यमंत्री हर कहिन- गौ-माता के सेवा अउ गौ-धन के रक्षा हम सब के सामाजिक अउ नैतिक जिम्मेदारी हावय। हमर कृषि प्रधान भारतीय अर्थव्यवस्था म खेती-किसानी ले लेके दूध के उत्पादन तक गौवंश के महत्वपूर्ण योगदान होथे। मुख्यमंत्री हर ए बात म खुशी जताईन कि तरकोरी म जनसहयोग से ए गौशाला के संचालन करे जात हे, संस्था के सचिव श्री सनत सिंह हर मुख्यमंत्री ल बताइस कि गौशाला म ए समय अंदाजन 250 पशु रखे गए हे। लावारिस घूमइया पशु घलोक एमां सामिल हावय, जउन ल नगरीय निकाय ले पकड़ के इहां भेजे जात हावय। संस्था के गठन अंदाजन दू साल पहिली करे गए हे। गौशाला करीब डेढ़ एकड़ के रकबा म हावय। संस्था ल जनसहयोग के संग-संग छत्तीसगढ़ राज्य गौ सेवा आयोग ले अनुदान घलोक मिलत हावय। मुख्यमंत्री हर गोवंश के सरंक्षण बर जम्‍मो मनखे से सहयोग बनाए रखे के आव्हान करिन।


Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment