मुख्यमंत्री ह दक्षिण कोरिया म निवेशक मन के सम्मेलन ल करिस सम्बोधित

रायपुर, 30 मई 2017। मुख्यमंत्री डॉ. रमन सिंह ह आज सियोल म आयोजित निवेशक सम्मेलन म दक्षिण कोरिया के उद्यती मन अउ निवेशक मन ल संबोधित करिन। डॉ. सिंह हर ओ मन ल प्रधानमंत्री श्री नरेन्द्र मोदी के ‘मेक-इन-इंडिया’ नीति के तहत छत्तीसगढ़ म पूंजी निवेश के संभावना मन के जानकारी दीन। डॉ. सिंह हर कहिन- छत्तीसगढ़ के शांतिपूर्ण वातावरण म उद्योग मन के विकास के अपार संभावना हावय। राज्य सरकार हर छत्तीसगढ़ के औद्योगिक विकास ल रोजगार अउ स्थानीय कच्चा माल के वैल्यू एडिशन ले घलोक जोड़े हावय। सम्मेलन के आयोजन भारतीय उद्योग परिसंघ (सीआईआई) के सहयोग ले ‘कोरिया ट्रेड-इनवेस्टमेंट प्रमोशन एजेंसी’ के मुख्यालय म करे गीस। निवेशक सम्मेलन के बाद मुख्यमंत्री के अगुवई म छत्तीसगढ़ के प्रतिनिधि मंडल हर उहां के निवेशक मन के संग अलग-अलग मुलाकात करिन। प्रतिनिधि मंडल म छत्तीसगढ़ सरकार के मुख्य सचिव श्री विवेक ढांड, अपर मुख्य सचिव श्री एन. बैजेन्द्र कुमार, मुख्यमंत्री के प्रमुख सचिव श्री अमन कुमार सिंह अउ अऊ संबंधित वरिष्ठ अधिकारी सामिल हावंय।


Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment