मुख्यमंत्री हर जमगहन के चौपाल म करिन कई घोषणा


  • नहर लाइनिंग अऊ हाई स्कूल के सौगात

  • भटगांव पुलिस चौकी ल मिलही थाना के दर्जा


रायपुर 17 मई 2017। मुख्यमंत्री डॉ. रमन सिंह आज जेठ महीना के आगी उगलत मंझनिया मं बलौदाबाजार-भाटापारा जिला के ग्राम जमगहन मं अचानक पहुंचके लोक सुराज के चौपाल मं सामिल होइन। उमन गांव वाले मल से चर्चा के बाद कई घोषणा करिन। ओ मन ए गांव मं प्रधानमंत्री आवास योजना के दू महिला हितग्राही - श्रीमती गुलशन बंजारे अऊ श्रीमती प्रमिला उपेन्द्र के निर्माणाधीन मकान ल घलोक देखे ल गीन। उमन दुनों महिला मन ल पक्का मकान के स्वीकृति बर बधाई दीन। उमन कहिन - ठाकुर दे जलाशय के नहर लाइनिंग के काम जल्द शुरू करवाए जाही, जमगहन मं हाई स्कूल भवन बनवाए जाही अऊ ग्राम सलिहाघाट के पहिली माध्यमिक स्कूल के उन्नयन करत ओला हाई स्कूल के दर्जा दे जाही। भटगांव के पुलिस चौकी ल पुलिस थाना के दर्जा दे जाही। मुख्यमंत्री हर जमगहन के अलावा दू अऊ ग्राम पंचायत मं घलोक सीमेंट कांक्रीट सड़क निर्माण बर 15 लाख रूपया मंजूर करे के घोषणा करिन। डॉ. रमन सिंह हर चौपाल मं लोगन ल बतादन कि राज्य सरकार हर अवैध शराब के कारोबार उपर कठोरता ले अंकुश लगाए हे। अब गांव मन मं कोचिया बर कोनो जगह नइ हे। मुख्यमंत्री हर जम्‍मो लोगन से सरकार के ए कदम ल सफल बनाए बर सहयोग करे के अपील करिन।








Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment