मंत्रालयीन अधिकारी-कर्मचारी मन लीन आंतकवाद विरोधी शपथ

रायपुर 19 मई 2017। आंतकवाद विरोधी दिवस के अवसर म आज इहां मंत्रालय (महानदी भवन) म मंत्रालयीन अधिकारी-कर्मचारी मन आतंकवाद अउ हिंसा के विरोध म शपथ लीन। प्रमुख सचिव कौशल विकास अउ राजस्व श्रीमती रेणु पिल्ले हर ये शपथ देवाइस। श्रीमती पिल्ले हर देश के अहिंसा अउ सहनशीलता के परम्परा म दृढ़ विश्वास रखे अउ सबो प्रकार के आंतकवाद अउ हिंसा के डटके विरोध करे के शपथ देवाइस। उमन मानव जाति के सबो वर्ग मन के बीच शांति, सामाजिक सद्भाव अउ सूझबूझ कायम करे अउ मानव जीवन मूल्य मन ल खतरा पहुंचइया, विघटनकारी शक्ति मन ले लड़े के घलोक शपथ देवाइस। ए अवसर म प्रमुख सचिव स्वास्थ्य श्री सुब्रत साहू, सचिव वाणिज्य अउर उद्योग श्री आशीष भट्ट, सचिव वन श्री अतुल कुमार शुक्ला संग अड़बड़ झन मंत्रालयीन अधिकारी अउ कर्मचारी उपस्थित रहिन। आप मन जानतेच होहू कि हर साल देश म 21 मई के दिन आंतकवाद विरोधी दिवस के रूप म मनाए जाथे। 20 अउ 21 मई को अवकाश होए के कारण आज ये दिवस 19 मई को मनाए गीस।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment