जनकल्याणकारी योजना मन के क्रियान्वयन के जमीनी हकीकत जाने बर लोक सुराज अभियान : कृषि मंत्री श्री अग्रवाल

मेण्ड्राकला समाधान शिविर मं अंदाजन 2 करोड़ के विकास कार्य के स्वीकृति



रायपुर, 06 मई 2017। कृषि अउ जल संसाधन मंत्री अउ सरगुजा जिला के प्रभारी श्री बृजमोहन अग्रवाल काली लोक सुराज अभियान 2017 के तहत सरगुजा जिला के मेण्ड्राकला मं आयोजित समाधान शिविर मं सामिल होइन। श्री अग्रवाल हर जनता के मांग म अंदाजन दो करोड़ रूपया के विकास कार्यों के मंजूरी दीन।
श्री अग्रवाल हर शिविर मं आए लोगन ल संबोधित करत कहिन कि शासन-प्रशासन के प्रतिनिधि लोक सुराज अउ ग्राम सुराज के माध्यम ले जनता के सुख-दुख जाने खुद ऊंखर बीच पहुंचत हें। अभियान के माध्यम ले आम जनता बर संचालित कई ठन जनकल्याणकारी योजना मन के क्रियान्वयन के जमीनी हकीकत के पता लगाए जात हे। उमन बताइन कि शासन से गरीब परिवार मन बर प्रधानमंत्री आवास योजना के तहत पक्का मकान बनाए जात हे। प्रधानमंत्री उज्ज्वला योजना ले गरीब परिवार मन ल रसोई गैस सिलेण्डर अऊ चूल्हा देहे जात हे। उमन कहिन कि जऊन गाँव मन मं विद्युत कनेक्शन नइ हे, वो गाँव मन के किसान मन ल सिंचाई सुविधा देवाए बर सौर सुजला कार्यक्रम शुरू करे गए हे। एखर तहत 4.50 लाख रूपया लागत के सोलर पम्प सिरिफ 10 से 15 हजार रूपये मं देहे जात हे। प्रभारी मंत्री हर विद्युत अउ लोक स्वास्थ्य यांत्रिकी विभाग ल सब्बो विद्यालय अउ आंगनबाड़ी केन्द्र मन मं बिजली पहुंचाए अउ पेयजल बर हैण्डपम्प स्थापित करे के निर्देश दीन।
श्री अग्रवाल हर मितानिन मन ले कहिन कि सब्बो गर्भवती महिला मन के संस्थागत प्रसव सुनिश्चित होना चाही। जऊन मितानिन मन शत्-प्रतिशत संस्थागत प्रसव कराही ओ मन ल 5-5 हजार रूपया के वार्षिक पुरस्कार दे जाही। कृषि मंत्री हर मेण्ड्राकला कलस्टर अंतर्गत अवइया ग्राम पंचायत मन के मुख्य समस्या मन के जानकारी लेहे के बाद लोगन के मांग के अनुसार ए ग्राम पंचायत मन बर अंदाजन 2 करोड़ के लागत से बनइया पुल-पुलिया, सड़क, उप स्वास्थ्य केन्द्र भवन, बाजार स्थल के विकास, आंगनबाड़ी केन्द्र भवन, हैण्डपम्प स्थापना अउ हैण्डपम्प मं पम्प अउ पानी टैंक लगाय, विद्युतीकरण अउ ट्रॉन्सफार्मर लगवाए के घोषणा करिन। उमन शिविर मं हितग्राही मन ल सब्जी बीज किट, स्प्रेयर, उज्ज्वला गैस कनेक्शन, ट्रायसिकल अउ रूपे कार्ड के वितरण करिन।
मेण्ड्राकला समाधान शिविर मं 10 ग्राम पंचायत से कुल 2923 आवेदन प्राप्त होइस। जेकर निराकरण के बारे मं अधिकारी मन बताइन। एमां मांग ले संबंधित 2840 अउ शिकायत ले संबंधित 83 आवेदन आए रहिस। ए अवसर म जिला पंचायत के अध्यक्ष श्रीमती फुलेश्वरी सिंह संग आन जनप्रतिनिधि, प्रशासनिक अधिकारी अउ स्थानीय ग्रामीण उपस्थित रहिन।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment